Chapter ( 15 )
“နည်းလမ်းမမှန်သေးလို့နေမှာပါ” system ကပြောလိုက်သည်။
System: “စိတ်ခံစားမှုမမှန်လို့ ဖြစ်မယ်။စိတ်ဝိညာဉ် အမျိုးအစားစွမ်းရည်ဟာ အတွေ့အကြုံမရှိသေးတဲ့ ထိန်းချုပ်သူတွေအတွက် ချက်ချင်းဆိုသလို ပေါက်ကွဲထွက်နိုင်တဲ့ စွမ်းအားအပေါ်မှာပဲ မှီခိုနေတယ်။မင်း သူ့ကို နှိုးဆွပေးလို့ရတယ်”
Systemက အကြံပြုလိုက်သည်။
ထိုစကားကိုကြားပြီးသည်နှင့် ရှန်ဂျီက ချန်ရှုးရှူး ဘက်လှည့်ကြည့်လိုက်၏။
“မင်း ဂိမ်းဆော့လေ့ရှိလား?”
ချန်ရှုးရှူးသည် ရှန်ဂျီက မည့်သည့်အကြောင်းကြောင့် ရုတ်တရက် ထိုသို့မေးလိုက်သည်ကို နားမလည်ပေ။
“ဟုတ်ကဲ့ ဆော့ပါတယ်”
“ဘာဂိမ်းလဲ?”
“အများကြီးပဲ MOBAS၊ FPS၊ တစ်ကိုယ်တော် ဂိမ်းပြီးတော့....အဟွတ် အဟွတ် အဟွတ်”
“အင်း ဒါဆို ကြွားလုံးထုတ်စကားပြောနည်းကို သိသင့်တယ်”
“အာ ဟ ?”
ရှန်ဂျီ၏အကြည့်ကို ချန်ရှူးရှုးက စူးစူးစိုက်စိုက် ပြန်ကြည့်လိုက်သည်။
“ကျွန်တော်က ယဉ်ကျေးတဲ့ ကစားသမားပါ။ ဒါပေမဲ့ နည်းနည်းတော့ သိတယ်”
တကယ်တော့ နည်းနည်းလေးထက် ပိုသိ၏!
ယနေ့ခေတ် ဂိမ်းကစားသည့်ခေတ်တွင် ထိုစကားပုံအချို့ကို မည်သူက မလေ့လာတတ်ပဲရှိမည်နည်း? အပြစ်တင်ခြင်းကို ရှောင်ရန်ဖြစ်စေ၊ ကိုယ့်ကိုယ်ကို ခုခံကာကွယ်ရန်ဖြစ်စေ ထိုနယ်ပယ်တွင် ထိုစကားတို့ကိုကျွမ်းကျင်မှုရှိခြင်းမှာ မရှိမဖြစ်လိုအပ်လှသည်။
“စိတ်ခံစားမှုတွေကို ခဏလောက် အစပျိုးထားလိုက်။ သူဌေးကို မင်းရဲ့ကစားဖော်၊ အသင်းဖော်အဖြစ် မြင်ယောင်ကြည့်လိုက်” ရှန်ဂျီကပြောလိုက်သည်။
“သူဌေးရဲ့ပုံပန်းသဏ္ဍာန်က ဥပဒေကြမ်းနဲ့ ကိုက်ညီတဲ့အတွက် ဂိမ်းတစ်ခုလိုစဉ်းစားဖို့ လွယ်ကူတယ်။ အဆင်သင့်ဖြစ်ပြီဆိုရင် စကားစပြောတော့”
ချန်ရှုးရှူး အံ့အားသင့်သွားသည်။“အဲ့လိုစကားမျိုး ပြောရမှာလား?”
တစ်ဖက်တွင်မျက်မှန်တပ်ထားသောသူက ရှန်ဂျီ ၏စကားထဲမှ ”စိတ်ခံစားမှု” ဟူသော စကားလုံးကိုကြားလိုက်သဖြင့် မေးလိုက်သည်။
“သူ့စွမ်းရည်အတွက် ဒီလူငယ်လေးရဲ့ ဆင့်ကဲဖြစ်စဉ် ဦးတည်ချက်က 'စည်းကမ်း' မဟုတ်ဘဲ 'စိတ်ဝိညာဉ်'လို့ ဆိုလိုတာလား။ ဒီတော့ စွမ်းရည်ကို ထိန်းချုပ်ဖို့နည်းလမ်းက တိကျတဲ့ ရည်ရွယ်ချက်အခြေအနေတွေကို ဖြစ်ပေါ်စေတာမဟုတ်ဘဲ ပြင်းထန်တဲ့ စိတ်ခံစားမှုတွေကို ဖြစ်ပေါ်စေတာလား?”
ရှန်ဂျီ ခေါင်းညိတ်ပြလိုက်သည်။ “ကျွန်တော်က ဖိနှိပ်ရေးစွမ်းရည်ရှာဖွေမှုဌာနရဲ့ သုတေသီပါ။ စွမ်းအင်အမျိုးမျိုးကို အသုံးပြုသူတွေနဲ့ ထိတွေ့ဆက်ဆံရတဲ့အတွက် စွမ်းအင်ပြသမှုအများစုကို ကောင်းကောင်းနားလည်ပါတယ်။ သူက စိတ်ဝိညာဉ် စွမ်းအင်အသုံးပြုသူဖြစ်သင့်တယ်လို့ ကျွန်တော်ယုံကြည်တယ်”
သူသည် စွမ်းအင်အသုံးပြုသူများနှင့် ဆက်ဆံရာတွင် ယုံကြည်မှုရရှိနိုင်ရန် သဘာဝအတိုင်း တည်ငြိမ်သော အကြည့်ဖြင့် ပြောဆိုဆက်ဆံလေ့ရှိသည်။
လက်တွေ့တွင် စွမ်းအင်အသုံးပြုသူများနှင့် ထိတွေ့ဆက်ဆံသည့်အခါ သူစုဆောင်းရရှိသည့် အချက်အလက်များသည် နှိမ်နှင်းသူ၏အသွင်အပြင်နှင့် ဝတ်ဆင်ရန် အဆင်ပြေမှုရှိမရှိတို့ကို ကန့်သတ်ထား၏။အများအားဖြင့် စကားလုံးအရေအတွက်ကို သူလျှော့ချထားသည်။
သို့သော် မျက်မှန်နဲ့လူက ရှန်ဂျီကို ရှင်းရှင်းလင်းလင်းယုံကြည်သွား၏။
“ဒါဆို မင်းက အဖွဲ့အစည်းက သုတေသနပညာရှင်ပေါ့! တောင်းပန်ပါတယ် တောင်းပန်ပါတယ်။ မင်းက ဒီနယ်ပယ်မှာ ပရော်ဖက်ရှင်နယ်တစ်ယောက်ဖြစ်ပြီး စောစောက ငါ့အကြံပြုချက်တွေကို လိုက်နာခဲ့ရတယ်”
ထို့နောက်တွင် သူသည် ချန်ရှုးရှူး ဘက်သို့လှည့်လိုက်သည်။
“သူ့ရဲ့ အကြံဉာဏ်ကို နားထောင်လိုက်။အရည်အချင်းရှိတဲ့လူငယ်မို့ မင်း မမှားနိုင်ပါဘူး”
ချန်ရှုးရှူးက ခေါင်းညိတ်လိုက်ပြီ ခံစားချက်များကို စတင်ခံစားလိုက်သည်။
ထိုအချိန်တွင် ထောင့်၌ကပ်နေသော ဝက်ခေါင်းသူဋ္ဌေးက တုန်ခါနေ၏။
“...မျက်လုံး!”
ဝက်ခေါင်းသူဋ္ဌေး၏လှုပ်ရှားမှုကို သတိပြုမိသော မိန်းကလေးက သူဌေးဝက်ကို ညွှန်ပြလိုက်သည်။
“သူဌေးရဲ့တင်ပါးက မျက်လုံးတွေ ပွင့်နေပြီ!”
မျက်မှန်နှင့်လူက အော်လိုက်သည်။
“ဘာကြီးလဲ ?”
သူလှည့်ကြည့်လိုက်သောအခါ ဝက်သူဋ္ဌေး၏ တင်ပါးပေါ်မှ မျက်လုံးနှစ်လုံးသည် ပြန်ပွင့်နေပြီး လူအုပ်ကို ပြင်းပြင်းထန်ထန် စိုက်ကြည့်ကြောင်း တွေ့လိုက်ရသည်။
ထိုအချိန်တွင် အေးမြသောလေပြင်းတစ်ချက်က လူအုပ်ကိုဖြတ်သန်း တိုက်ခတ်သွားပြီး ထိုလေက ဝက်သူဌေး၏ ခန္ဓာကိုယ်ထဲသို့ ပန်းရောင်မြူမှုန်များ သယ်ဆောင်သွား၏။
“နာတယ်…”
“အရမ်းနာတယ်…”
“ဗိုက်ဆာတယ်…”
“စားစရာပေး”
ဖရိုဖရဲအသံများသည် ဝက်သူဋ္ဌေး၏ဗိုက်အတွင်းမှ ပဲ့တင်ထပ်လာကာ သူ၏လက်များ စတင်လှုပ်ရှားလာ၏။
System: “သတိထား ပစ်မှတ်ရဲ့ ပြောင်းလဲမှုအဆင့်က တိုးလာနေတယ်”
မျက်မှန်သမားက မျက်မှောင်ကြုတ်လိုက်သည်။
“အားလုံး နောက်ပြန်ဆုတ်။တစ်ခုခုတော့ မှားနေပြီ”
ဝက်သူဋ္ဌေး၏ခန္ဓာကိုယ်အတွင်းမှ မြူခိုးများက ပိုပို၍ထူထပ်လာပြီး ၎င်း၏ထွားကျိုင်းသော ခန္ဓာကိုယ်ကို အင်အားအချို့က ပံ့ပိုးထားသကဲ့သို့ ပြင်းထန်စွာ လှုပ်ရှားလာခဲ့သည်။
လှည့်ကြည့်လိုက်တော့ မျက်လုံးတစ်ဖက်သည် ထီးထိပ်ဖျားဖြင့် ထိုးခံထားရကာ မျက်နှာတစ်ဝက်လောက်အထိ သွေးများစီးကျလာ၏။ ကျန်မျက်လုံးငါးလုံးမှာလည်း သွေးဖြင့်ပြည့်နှက်နေပြီး လူအုပ်ကို မကျေမနပ်အကြည့်ဖြင့် စိုက်ကြည့်နေခဲ့သည်။
“ငါ... မင်းတို့ကို ဖျက်စီးပြမယ်။ တစ်ယောက်ပြီးတစ်ယောက် !”
မြေအောက်ရထားပေါ်မှ မြူခိုးတွေပို အားကောင်းလာပြီး လူများအား မြူခိုးများက ဖုံးအုပ်လျက်ရှိသည်။
" မြူခိုးတွေ ကျရောက်နေတာ အချိန်အတော်ကြာနေပြီ။ ဖန်တီးသူရဲ့အဆင့်က F ကိုကျော်ပြီး E လောက်အထိ ဖြစ်နိုင်တယ်”
“သူဌေးက E အဆင့် ဂြိုလ်သားဖြစ်လာပြီဆိုရင် ချန်ရှုးရှုးလိုလူကတောင် မကိုင်တွယ်နိုင်တော့ဘူး”
“ရှန်ဂျီ သတိထား!”
မြူခိုးများ အားကောင်းလာပြီးနောက် သူဋ္ဌေး၏အရွယ်အစားသည် အခြားစက်ဝိုင်းတစ်ခုလောက်အထိ တိုးလာကာ သူ၏ဗိုက်သည် အလွန်ကြီးမားလာပြီး ဦးခေါင်းနှင့် ခြေလက်များကို ဖုံးကွယ်လုနီးပါးဖြစ်သွား၏။
ပုံမှန်အားဖြင့် ဝက်သူဋ္ဌေး၏လှုပ်ရှားမှုများကို ထိုသို့သောအခြေအနေတွင် ကန့်သတ်ထားသည်။သို့သော် ယခုတစ်ကြိမ်တွင် အသက်ရှင်ကျန်ရစ်သူများကို တိုက်ရိုက်တိုက်ခိုက်မည့်အစား သူဌေးဝက်သည် သူ၏ ပါးစပ်ကိုကျယ်ကျယ်ဖွင့်ကာ ရှူသွင်းလိုက်၏။
လေကို စုပ်ယူလိုက်သည်နှင့်အမျှ ၎င်း၏ဝမ်းဗိုက်သည် ပို၍ပို၍ ဖောင်းကားလာပြီး ၎င်း၏ခန္ဓာကိုယ်သည် လေလျော့နေသော မီးပုံးပျံတစ်ခုလိုပင်။
စီစဉ်ထားတဲ့ အစီအစဉ်က ဘာဖြစ်နိုင်မလဲ!
မျက်မှန်တပ်ထားသော အမျိုးသားသည် တစ်စုံတစ်ခုကို သတိပြုမိကာ အော်လိုက်သည်။
“အားလုံးဖြန့်ကြဲကြ!”
သို့သော် သူပြောသည့်ခဏတွင် ဝက်သူဋ္ဌေးသည် သူ၏ခန္ဓာကိုယ်ကို ပြန်တွန်းအားကဲ့သို့ အသုံးပြုကာ အမြောက်ကျည်ဖြင့် အထက်သို့ရွေ့လျားသွားခဲ့သည်။
စက်ရုံ၏အမိုးခုံသည် မြင့်မားကာ ရထားအတွင်းပိုင်း၌ အမှန်တကယ် ရှိနေ၏။ ဝက်သူဋ္ဌေးသည် ရထား၏ မမြင်ရသောအမိုးကို တိုက်မိကာ ယခင်ကထက် နှစ်ဆ အရှိန်မြှင့်လာ၏။ ထို့နောက် မြေပြင်နှင့်တိုက်မိပြီး နောက်တစ်ကြိမ် ပြန်ခုန်ရန် အရှိန်ကို စုစည်းလိုက်သည်။သူသည် ခုန်နေသော ဘောလုံးကဲ့သို့ ထပ်ခါထပ်ခါ ခုန်ရင်း အရှိန်ရလာ၏။
ရှန်ဂျီ၏အမြင်နယ်ပယ်ရှိ AR တွက်ချက်မှုပုံစံသည် ကြောက်မက်ဖွယ်ကောင်းသော မြန်နှုန်းတိုးလာမှုကို ညွှန်ပြနေခဲ့သည်။
ဤအရှိန်ဖြင့် လူ့ခန္ဓာကိုယ်ကိုထိမိပါက ၎င်းတို့ကို နုတ်နုတ်စင်းထားသော အသားအဖြစ်သို့ ဖြစ်သွားစေနိုင်ပေသည်။
မျက်မှန်တပ်သူ: “မြန်မြန် ရထားတွဲထဲမှာ ပုန်းရအောင်!!!”
သို့သော် သူဌေး၏အရှိန်က မြန်လွန်း၏။မည်သူမျှ မလှုပ်ရှားနိုင်ခင် သူဌေးက သူတို့ရှေ့တွင် ခုန်ပေါက်နေလေပြီ။
လူတိုင်း၏ဦးခေါင်းထက်မှ သူဌေး၏ မျက်လုံးငါးစုံက အောက်ကိုငုံ့ကြည့်လိုက်၏။ထို့နောက် အောက်မှလူများကို နွေးနွေးထွေးထွေး ထွေးပွေ့တော့မည့်ဟန်ကဲ့သသို့ အဝလွန်နေသော ခန္ဓာကိုယ်ထဲက လက်ပေါင်းများစွာကို ဆန့်ထုတ်လိုက်သည်။
System: “ ရှန်ဂျီ! ဒီတစ်ကြိမ်မှာ နိုင်ဖို့ အကြောင်းပြချက်မရှိဘူး၊ မင်း ပုန်းရမယ်”
System: “ဘယ်ဘက်ကို သုံးမီတာလှည့်ပြီး ခေါင်းကို ကာကွယ်ဖို့ ဝပ်နေလိုက်။ အဲဒါ အနီးဆုံး ဘေးကင်းတဲ့နေရာပဲ”
ရှန်ဂျီက မတုံ့ပြန်သလို ချက်ချင်းလည်း မလှုပ်ပေ။
သူ့နောက်တွင် တစ်စုံတစ်ယောက်၏ ခြေထောက်များ အားနည်းသွားကာ မြေပြင်ပေါ်သို့ လဲကျသွားခဲ့သည်။ အချို့သူများသည် ရထားရှေ့ပိုင်းဆီသို့ အရူးအမူး ပြေးသွားကြပြီး အချို့လူများကလည်း သွားများကြိတ်ကာ တုန်လှုပ်နေကြသည်။အချို့ကလည်း လဲကျနေသူများကို ရှေ့သို့ဆွဲထုတ်နေကြသည်။
လူများပြောခဲ့သော စကားများကို ရုတ်တရက် သူ သတိရသွား၏။
“ကောင်းပြီ၊ ဒီည အိမ်ပြန်ပြီး သမီးနဲ့ ညစာစားလို့ရပြီ”
“ငါ့မိန်းမက ငါ့ကို စောင့်နေတုန်းပဲ”
“သူဌေးကိုရှင်းပြီး မြူခိုးတွေထဲက အတူတူထွက်ကြမယ်”
သူ မျက်စိမှိတ်ထားလိုက်သည်။
ထီး၏ဖွဲ့စည်းပုံသည် ချွန်ထက်မှုမရှိသည့်အပြင် ဓားကဲ့သို့မလုပ်ဆောင်နိုင်ပါ။ ထို့အပြင် လွန်ခဲ့သည့် ခုနှစ်နှစ်အတွင်း ရိုးရှင်းသော လေ့ကျင့်ခန်းများအပြင် ဓားဖြင့် ကျွမ်းကျင်စွာ အသုံးပြုနိုင်သော အသက်ရှုနည်းများကိုပါ မလေ့ကျင့်ခဲ့ပေ။ သူ၏ခန္ဓာကိုယ်သည် ခွန်အားနှင့် မည်သည့်စူပါပါဝါမျှမရှိသော သာမန်လူတစ်ဦး၏ ခန္ဓာကိုယ်ဖြစ်၏။
ဒါပေမယ့်!
သူ မျက်လုံးဖွင့်လိုက်သည်။
AR ဖြင့်ဖွဲ့စည်းထားသော အစိမ်းရောင်ဒေတာမြင်ကွင်းတွင် နက်မှောင်သောအနီရောင်မျဉ်းသည် ရုတ်တရက်ပေါ်လာခဲ့၏။
စေးပျစ်သောသွေးကဲ့သို့ပင် သူဋ္ဌေးသည် ဝက်၏ခန္ဓာကိုယ်နှင့်အတူ ရွေ့လျားနေခဲ့သည်။
Systemသည်လည်း AR တွက်ချက်မှုပုံစံတွင် သူ၏အမြင်နယ်ပယ်ကို မျှဝေပေးခဲ့သည်။ ထို့အပြင် ယခုအခိုက်အတန့်တွင် ဤမျှသေးငယ်သော ကွဲလွဲမှုတစ်ခုအား အာရုံစိုက်ရန် အချိန်မရှိပေ။ ရှန်ဂျီသည် ယခု မရှောင်တိမ်းပါက သူသည် အမှန်တကယ်ပင် အန္တရာယ်ဖြစ်လိမ့်မည်။အထူးကာကွယ်ရေးအစီအမံများကို မည်သည့်ကုန်ကျစရိတ်ဖြင့်မဆို စတင်လုပ်ဆောင်သင့်သည်။
သို့သော် ရှန်ဂျီ ရုတ်တရက် လှုပ်ရှားလိုက်၏။
မတိမ်းရှောင်ဘူးလား!
တစ်ချိန်တည်းမှာပင် ရှန်ဂျီသည် ခြေချောင်းများကိုဖွပြီး ဝက်သူဋ္ဌေးရှိရာသို့ တက်ကြွစွာ ချဉ်းကပ်သွားခဲ့သည်။ရှန်ဂျီသည် အေးစက်သောအမူအရာဖြင့် သူဋ္ဌေး၏ ညာဘက်သို့ဖြတ်သွားကာ သူ၏လက်ထဲတွင် ထီးကိုကိုင်ထား၏။ဤသည်မှာ ချွန်ထက်သည့်ဓားတစ်ချောင်းကို ကိုင်ထားသကဲ့သို့ပင်။
နောက်တစ်စက္ကန့်...
မချွန်ထက်သောထီးသည် အမြင်အာရုံနယ်ပယ်ရှိ နက်မှောင်သောအနီရောင်မျဉ်းတစ်လျှောက်ရှိ သူဌေး၏ခန္ဓာကိုယ်ကို တိကျစွာ တိုက်မိသွားခဲ့သည်။
ပွတ်တိုက်သံ!
ဝက်သူဋ္ဌေးက ကျယ်လောင်စွာအော်ဟစ်လိုက်၏။
ကြောက်မက်ဖွယ်ကောင်းသော အင်အားသည် ထီးကို ဆုပ်ကိုင်ထားသော ညာဘက်လက်ထဲသို့ ပျံ့နှံ့သွားခဲ့သည်။
ပွတ်တိုက်သံ!
ထီးသို့မဟုတ် အရိုးများ၏ ကွဲအက်သံ!
နှလုံးခုန်သံများမှာ နားကွဲလုမတတ်ပင် ကျယ်လောင်၍လာသည်။
အမြင်အာရုံတုန်လှုပ်ခြင်း! အနီရောင်ရင့်မျဉ်းများနှင့် ရောယှက်နေသော ဒေတာပုံပျက်နေသည့် အချက်အလက်များသည် အိမ်မက်ဆန်ဆန် ရုပ်ပုံများနှင့် အရောင်ပြောင်းပြန်အရိပ်များကို ပေါ်လာစေသည်။
ရှန်ဂျီသည် သူ၏ ပုံပျက်သွားသောမြင်ကွင်းထဲတွင် ရင်းနှီးပြီး လွမ်းဆွတ်ဖွယ် အရာအချို့ကို မြင်လိုက်ရသောကြောင့် သူ ပြုံးလိုက်သည်။
သို့သော် သူ၏အခြေအနေသည် ဤအခိုက်အတန့်တွင် အလွန်အန္တရာယ်များနေပြီး ဧရာမဝက်ကြီး၏ ကြောက်မက်ဖွယ်ကောင်းသော သက်ရောက်မှုကို တိုက်ရိုက်နီးပါး ရင်ဆိုင်နေရသဖြင့် ထိုကဲ့သို့သောအခြေအနေမျိူးတွင် ပြုံးလိုက်နိုင်သော ဤအပြုံးသည် အနည်းငယ်ရူးကြောင်ကြောင်နိုင်ပေ၏။
သတိပေးချက်! သတိပေးချက် !
[ ကူးစက်မှုတန်ဖိုးသည် အလွန်ပုံမှန်မဟုတ်သောအမြန်နှုန်းဖြင့် မြင့်တက်နေပါတယ် ]
[၇၇၊ ၇၇.၅၊ ၇၈...]
ရှန်ဂျီ !!!