《ငါ့ systemကဝံပုလွေတစ်ကောင်!?》
စုပေ မျက်လုံးဖွင့်လိုက်ပိတ်လိုက်လုပ်ပေမယ့် သူ့ရှေ့ကထူးဆန်းတဲ့အကောင်ကပျောက်ကွယ်မသွားဘူး။ဒီထူးဆန်းတဲ့အကောင်က လိမ္မောင်ရောင်အရောင်နဲ့အတောင်ပံလေးတွေပါတဲ့ ပုံမကျပန်းမကျကြောင်တစ်ကောင်ဖြစ်တယ်။
ဆိုတော့ဒီစောက်အကောင်ကဘယ်ငရဲကနေရောက်လာတာလဲ...
သူကြောင်တွေကိုချစ်ပါတယ်... ဒါပေမယ့်ဒီလိုပုံမကျပန်းမကျအကောင်တွေတော့မပါတာသေချာတယ်။အဲ့ဒီ့အချိန်မှာ ခံစားချက်မပါဝင်တဲ့စက်ရုပ်အသံတစ်သံသူ့ခေါင်းထဲမှာကြားလိုက်ရတယ်။
"Hello host ငါကမင်းရဲ့ mission တွေမှာကူညီမယ့်လက်ထောက် system 748 ဖြစ်ပါတယ်။ဒါဆိုငါတို့ပထမကမ္ဘာကိုဝင်ကြတော့မလား။"
ထွက်သွားစမ်း!!!ချီးလိုပဲဘာတွေဖြစ်နေတာလဲ....
စက်ရုပ်လိုအသံနောက်တစ်ကြိမ်ထွက်ပေါ်လာသည်။
"Host ခွင့်ပြုလိုက်ပြီဖြစ်တဲ့အတွက်ကျွန်တော်တို့ ပထမကမ္ဘာကိုဝင်ရောက်ပါတော့မယ်...ပထမကမ္ဘာရဲ့ mission က ကိုယ့်ကိုကိုယ်ယုံကြည်ချက်ရှိလွန်းနေတဲ့ CEO ကိုချစ်ခင်လာအောင်စွမ်းဆောင်ပါ"
"Host ရဲ့ အဓိကတာဝန်က ဖုန်းရှင်းလန် ကနေ 'ငါမင်းကိုချစ်တယ်' လို့ပြောခံရမှာဖြစ်တယ်။သူမပြောမချင်းmission ပြီးမြောက်အောင်မြင်မှာမဟုတ်ပါဘူး"
"ဒါဆိုငါမင်းကိုပထမကမ္ဘာကိုပို့ဆောင်ပေးတော့မယ်။ကံကောင်းပါစေ"
ထိုစက်ရုပ်ကောင်က သူ့ကိုစကားအနည်းငယ်ပြောပြီးပျောက်ကွယ်သွားတယ်။
ရုတ်တရက်သူ့မြင်ကွင်းထဲကပုံသဏ္ဍာန်တွေအကုန်ပြောင်းလဲသွားတဲ့အတွက် စုပေ တစ်ခဏလောက် shock ရသွားခဲ့တယ်။အဲ့ဒီ့အချိန်မှာပဲ သူ့ဦးနှောက်ထဲကို သူဝင်ရောက်လိုက်တဲ့ခန္ဓာကိုယ်ရဲ့မှတ်ဥာဏ်တွေဝင်ရောက်လာတယ်။
ဒီခန္ဓာကိုယ်ရဲ့နာမည်ကလည်း စုပေ ပဲ။ဒီကောင်လေးက ချောမောလှပတဲ့သူတစ်ယောက်ဖြစ်ပေမယ့် ဟိတ်ဟန်များလွန်းတယ်။ဟုတ်ပြီ ဟုတ်ပြီ....ဒီခန္ဓာကိုယ်အကြောင်းကဒီလောက်ဆိုရပြီ။
သူ့မြင်ကွင်းထဲကပုံသဏ္ဌာန်တွေရှင်းသွားတဲ့အခါမှာ သူ့ဘေးနားမှာလူပတ်လည်ဝိုင်းနေတာကိုတွေ့လိုက်ရတယ်။
ထိုထဲကတစ်စုံတစ်ယောက်ကသူ့နားရွက်နားကပ်လာပြီး လှောင်သလိုလိုပုံစံနဲ့စကားလာပြောသည်။
"ဝိုး Mr.စု ခင်ဗျားဟာကတကယ့်လူပဲ....ကြည့်စမ်းဥက္ကဌ ဖုန်း ရဲ့ အသည်းနှလုံးကောင်မလေးကိုဆွဲဆောင်ဖို့ခင်ဗျားတော်တော်ရဲရင့်တာပဲ"
သူခဏလောက်မျက်စိမှိတ်လိုက်ပြီး လက်ရှိဖြစ်ပျက်နေတဲ့အခြေအနေကိုမှတ်မိအောင်စဥ်းစားလိုက်သည်။
သူက နိုက်ကလပ်မှာရှိတဲ့အဖြူရောင်ယုန်မျက်နှာဖုံးကိုဝတ်ဆင်ပြီး ထိုမိန်းမကိုနေ့နေညညဆွဲဆောင်ခဲ့သည်။ရလာဒ်အနေနဲ့တစ်စုံတစ်ယောက်ရဲ့ပယောဂကြောင့် သူ့မျက်နှာဖုံးဆွဲခွာခံခဲ့ရတယ်။
စုပေ ကဘာလို့ဒီလိုမျက်နှာဖုံးဝတ်ပြီးဆွဲဆောင်ခဲ့ရတာလဲ...ဟုတ်တာပေါ့ သူ့နှလုံးသားထဲမှာဒီလိုကပုံမှန်ဆွဲဆောင်မှုမျိုးလို့ပဲလို့ထင်ခဲ့တာ။ဒါပေမယ့် ကျန်တဲ့သူတွေအမြင်မှာတော့ ယောကျ်ားတစ်ယောက်ကမိန်းမတစ်ယောက်ကိုဒီလိုဆွဲဆောင်တာက မနှစ်မြို့ဖွယ်ကောင်းလွန်းတယ်။
သူမျက်လုံးပြန်ဖွင့်လိုက်တဲ့အခါ လက်ရှိဖြစ်ပျက်နေတဲ့အဖြစ်အပျက်တွေအကုန်လုံးကိုနားလည်သွားပြီ။
သူ့ရှေ့ကဆိုဖာပေါ်မှာလူတစ်ယောက်ထိုင်နေတယ်။ထိုလူကသိမ်းငှက်မျက်လုံးနဲ့အေးစက်စက်အမူအရာတွေဖုန်းလွှမ်းနေပေမယ့် တော်တော်လေးကြည့်ကောင်းပြီး ပြီးပြည့်စုံတဲ့မျက်နှာပိုင်ရှင်ဖြစ်တယ်။ထိုလူ ဆိုဖာပေါ်မှာထိုင်နေတာတောင် ဆုပေ တစ်ယောက်ပြင်းထန်တဲ့ဖိအားတွေကိုခံစားနေရသည်။
ဒါပေမယ့် ဒါကအဓိကအရေးကြီးတဲ့အချက်မဟုတ်သေးဘူး။အဓိကအရေးကြီးတဲ့အချက်က သူ့ခေါင်းပေါ်မှာရေးထားတဲ့ ဖုန်းရှင်းလန် ဆိုတဲ့စကားလုံးကြီးသုံးလုံးပဲဖြစ်တယ်။
ဖုန်းရှင်းလန် ကဘယ်သူလဲလို့မေးချင်လား??
ကျိန်းသေပေါက် သူ့ targetကြီးပေါ့ သူ missionအောင်မြင်ဖို့အတွက်ဒီလူကြီးကိုဆွဲဆောင်ရမှာ....
ဒါပေမယ့် သူဒီကမ္ဘာကိုမရောက်ခင်မှာပဲ ပထမဆုပေ ကလည်း ဖုန်းရှင်းလန် ကြိုက်တဲ့ကောင်မလေးကိုဆွဲဆောင်ထားတယ်။ဖာ့ခ် ဖာ့ခ် ဒီအကောင်ကတော့ တကယ်ကြီးသွားဆွဲဆောင်ခဲ့တာပဲ ချီး!!!!!!!!
အဲ့ဒီအချိန်မှာ ဖုန်းရှင်းလန် ရဲ့ နှုတ်ခမ်းတွေဖွင့်ဟသွားပြီး အေးစက်နေတဲ့အသံနဲ့စကားစပြောတယ်။သူ့အသံကြားလိုက်ရတဲ့သူတိုင်း အရိုးထဲထိအောင်အေးခဲသွားစေသည်။
"သူ့လက်တွေကိုချိုးလိုက် ပြီးရင်အပြင်မှာလွှတ်ပစ်လိုက်"
စုပေ တုန်လှုပ်သွားတယ်။သူတကယ်ကြီးရက်စက်တော့မှာလား!!!
စုပေ နှလုံးသားလေး သူ့လက်တွေကျိုးတော့မယ့်အကြောင်းစဥ်းစားလိုက်တာနဲ့နာကျင်သွားသည်။သူပထမဆုံး mission မှာထဲကဒီလိုအန္တရာယ်နဲ့တွေ့ပြီးအရှုံးပေးရတော့မှာလား....
ဟင့်အင်း....ဒီလိုအန္တရာယ်နဲ့တွေ့တာကိုရင်ဆိုင်ထိပ်တိုက်မတွေ့ဘဲလွယ်လွယ်နဲ့အရှုံးပေးတာသူ့စတိုင်လ်မဟုတ်ဘူး။သူဘာလို့လွယ်လွယ်နဲ့သေပေးရမှာလဲ မဖြစ်နိုင်ဘူး!!!သူလွတ်မြောက်ဖို့အခွင့်အရေးရှာရမယ်။
စုပေ သူ့ကိုချုပ်ထားတဲ့သူရဲ့လက်ကနေရုန်းထွက်ပြီး ဖုန်းရှင်းလန် ရဲ့မျက်လုံးကိုစိုက်ကြည့်လိုက်သည်။
"ငါဆိုတဲ့ စုပေ ကဒီလိုမိန်းမမျိုးအတွက်ဒီလိုနေရာမျိုးလာမယ်ထင်နေလား!!ကောင်းပြီ ဒီနေ့မင်းတို့သိချင်တာပြောပြမယ် ငါဆိုတဲ့ စုပေ က မင်း ဖုန်းရှင်းလန် အပေါ်ကိုခံစားချက်ရှိနေတာကွ!!ငါလိုက်နေတဲ့သူကမင်းကွ နားလည်လား!!"
တစ်ခန်းလုံးအသံတစ်သံမှမထွက်ဘဲတိတ်ဆိတ်သွားကြတယ်။စုပေ ရဲ့မျက်လုံးတွေကနီရဲလာတဲ့အတွက် သူဒေါသထွက်နေတာလား ဘာလားဆိုတာဘယ်သူမှမသိကြဘူး။ဒါပေမယ့်အကုန်လုံးစဥ်းစားမိတာတစ်ခုက
"ဒီ စုပေ တစ်ယောက်ရူးသွားပြီလား။ ငါဆိုလိုတာက သူတကယ်ကြီး ဖုန်းရှင်းလန် ကိုကြိုက်နေတာလားဟ!!"
သူ့ကိုကြည့်ရင်း သူတို့စိတ်ထဲမှာတစ်မြို့လုံးငလျင်အကြီးအကျယ်လှုပ်သွားသလိုတောင်ခံစားလာရသည်။သူဘယ်လိုတောင်ဒီလောက်ထိရိုင်းစိုင်းရဲရတာလဲ....သူအသက်ရှင်ရတာပင်ပန်းနေလို့များလား...
စုပေ နှလုံးသားလေးအပြင်ခုန်ထွက်သွားပြီလားတောင်ထင်ရသည်။သေစမ်း!! သူဘယ်လိုတောင်ရန်တွေ့ရဲလိုက်ရတာလဲ ငါတော့သေတာပဲ...
"ဝေးး ဟို 748 ဆိုတဲ့ကောင် ငါ missionကျရှုံးသွားပြီလား"
စက်ရုပ်အသံနှင့် systemက အကြောင်းပြန်သည်။
"မကျရှုံးသေးပါဘူး မပူပါနဲ့ မသကာ အာဖရိကလူမည်းကြီးကြီးသုံးယောက်လောက်လွှတ်ပစ်တာလောက်ပဲခံရမှာပေါ့"
နင့်မေကလွှား!! စွကျိုးနည်း ဒါကြီးကတကယ်ရက်စက်လွန်းတယ်။ ဆုပေ တစ်ယောက်အသက်ရှုကြပ်လာသလိုတောင်ခံစားရသည်။သူကြောက်လာပြီ။
ဖုန်းရှင်းလန် ရဲ့မျက်လုံးတွေကသူ့ကိုအသနားခံသလိုကြည့်နေသည့် စုပေ မျက်ဝန်းတွေကိုကြည့်လိုက်သည်။
"သူ့ကို နှင်ထုတ်လိုက်"
စုပေ သေချာကြားလိုက်သည် နှင်ထုတ်လိုက်..သူ့ကို?
ဒီတိုင်းနှင်ထုတ်လိုက်လို့ပဲပြောတာ! ဆိုလိုတာက ငါ့လက်လေးတွေကိုကယ်တင်နိုင်ပြီပေါ့...အိုး တော်ပါသေးရဲ့ငါ့လက်လေးတွေမကျိုးတော့ဘူး။
စုေပ သူ့ကိုအကောင်ကြီးကြီး bodyguards ကအပြင်နှင်ထုတ်လိုက်တာတောင်ဂရုမစိုက်အား...အပျော်လွန်ပြီးမျက်ရည်တွေကျနေသည်။နောက်ဆုံးတော့...ငါ့လက်လေးတွေမကျိုးတော့ဘူး!!
သူကြမ်းပြင်ပေါ်လဲချပြီး ရူးနှမ်းစွာပြုံးလိုက်သည်။
သူအခုလေးတွေ သေခံတွင်းဝကနေလွတ်လာတာ!!
သူနံရံနားကိုသွားပြီးကျောမှီထိုင်လိုက်တယ်။တုန်ယင်နေတဲ့လက်တွေနဲ့သူ့အိတ်ကပ်ထဲကဆေးလိပ်ကိုထုတ်ပြီး သောက်လိုက်သည်။
ရှုထုတ်လိုက်တဲ့ဆေးလိပ်ငွေ့တွေက သူ့စိတ်ကိုအနည်းငယ်ငြိမ်သက်စေသည်။
"ဟေး system ငါတို့စကားပြောဖို့လိုပြီထင်တယ် ငါမင်းကို mission နဲ့ပတ်သက်ပြီးမေးစရာရှိတယ် ငါပြောချင်တာကကွာ ငါဟိုလူကိုဆွဲဆောင်ရမယ်ဆိုတာက အင်း..လက်ခံတယ်ကွာ အဲ့တာကိုလက်ခံနိုင်တယ်..ဒါပေမယ့်..."
"အင်..ဒါပေမယ့်နောက်တစ်ခါကို ငါ့ကိုဒီလိုကြောက်စရာကောင်းတဲ့လူယုတ်မာတွေကိုဆွဲဆောင်ဖို့ တာဝန်မပေးလို့ရမလား"
System ကသူ့မူပိုင်အနိမ့်အမြင့်မရှိတဲ့လေသံနဲ့ပဲတည်တည်ငြိမ်ငြိမ်ပြန်ဖြေတယ်။
"တာဝန်နဲ့သက်ဆိုင်တဲ့လူတွေက random ပါအဲ့ဒါကြောင့် system လေးလည်းဘာမှမတတ်နိုင်ပါဘူး"
တကယ်တော့သူက မိန်းကလေးတွေနဲ့တော်သိပ်မတွဲဖူးရှာတဲ့ကောင်လေးတစ်ကောင်ပါ။အခုတော့သူက system ရဲ့စနက်ကြောင့် ယောကျ်ားလေးတွေဆွဲဆောင်ခိုင်းနေပြီ။ဖာခ့် ဒါကသူ့ကိုစိတ်ပျက်စေတယ်။
စုပေ ဖုန်းကိုထုတ်လိုက်တယ်။ကဲ *Baidu ကြီးရေ ငါ့တာဝန်အောင်မြင်ဖို့ကမင်းအပေါ်မူတည်နေပြီ.....
[*Baidu ဆိုတာ China app တစ်ခုကိုပြောတာပါ]