《အမေကကျွန်တော်ကိုပြောခိုင်းလိုက်တယ် ခင်ဗျားကိုညစာတူတူစားဖို့အိမ်ကိုဖိတ်ခဲ့ပါတဲ့》
နေစမ်းပါဦး သူကစုပေအသစ်ပါနော် ဟိုငကြောင်ကောင်မူလစုပေမဟုတ်ပါ...နာမည်ချင်းသာတူမယ် ကျန်တဲ့အရာတွေတော့မတူနိုင်ပေါင် အခုစုပေကမိန်းကလေးတစ်ယောက်ကိုရည်းစားအဖြစ် ၅ သန်းပေးဝယ်ဖို့ထိုက်တန်ရဲ့လား မတန်ဘူးလား တွက်ချက်ပြီးမှဆုံးဖြတ်တတ်ပါသည်။
စုပေတုံ့ဆိုင်းနေတာကိုမြင်တဲ့ ချင်းကွမ်းရှောင်ကတော့အလွန်အမင်းအံ့သြသွားသည်။အမှန်အတိုင်းပြောရမယ်ဆိုရင် သူမသာပိုက်ဆံအရေးတစ်ကြီးလိုအပ်မနေဘူးဆိုပါက စုပေလို လူရှုပ်လူပွေကောင်ငယ်လေးတစ်ယောက်ကိုသူမမျက်လုံးထဲတောင်ထည့်တွက်ပြီးတွဲမယ်လို့မှာမဟုတ်ဘူး။
သူမတကယ်လိုချင်တဲ့သူက ဖုန်းရှင်းလန်ပဲဖြစ်တယ်။ဒါပေမယ့် စုပေဝင်နှောက်ယှက်လို့ ဖုန်းရှင်းလန်နဲ့ဆက်သွယ်နိုင်မယ့်တစ်ခုထဲတော့အခွင့်အရေးကိုလက်လွှတ်လိုက်ရတယ်။ဒါကြောင့် သူမအပြင်မှာသာ စုပေကိုတွဲမယ်လို့ပြောပြီးရှက်ချင်ယောင်ဆောင်နေပေမယ့် စိတ်ထဲမှာတော့ ဒီစုပေကိုရင်ထဲအသည်းထဲက ကိုမုန်းပါသည်။
ဒါပေမယ့်ဘယ်တတ်နိုင်ပါ့မလဲ တကယ့်ဘဝကအရမ်းဆိုးရွားလွန်းသည် သူမပိုက်ဆံအရေးတကြီးလိုအပ်နေတယ်။ဒါကြောင့် သူမစုပေကိုချဥ်းကပ်တာ သူမသာ သူ့ကိုနည်းနည်းသွေးစွယ်ဖျားယောင်းပြီးဟန်ဆောင်ပြလိုက်ရင် သူက သူမပြောတဲ့အတိုင်းအလွယ်တကူလိုက်လုပ်မယ်ဆိုပြီးတော့ပေါ့.......
ချင်းကွမ်းရှောင် သူမထိုင်နေတဲ့နေရာကနေထပြီး စုပေနားကိုသွားထိုင်လိုက်တယ်။ထို့နောက်သူမနှုတ်ခမ်းကိုအနည်းငယ်ဖွင့်ဟပြီးစုပေပါးကိုနမ်းလိုက်သည်။စုပေမလှုပ်နိုင် ထိုနေရာမှာတင်တောင့်တောင့်ကြီးထိုင်ပြီး shock ရနေတုန်း......သူမကစုပေဖြစ်ပျက်နေတာကိုကြည့်ပြီးစိတ်မပါလက်မပါပြောသည်။
"ဒီလောက်နဲ့မလုံလောက်သေးဘူးလား..."
သူတို့ဖြစ်ပျက်နေသည့်မြင်ကွင်းကို ကော်ဖီဆိုင်အပြင်ဘက်မှလူတစ်ယောက်မြင်သွားသည်။ထိုသူကား ဖုန်းရှင်းလန်ပင်.....ဖုန်းရှင်းလန်ရဲ့အန္တရာယ်အဆင့်ရောက်နေတဲ့အကြည့်စူးစူးတွေက ပြတင်းပေါက်မှန်တံခါးကိုဖြတ်ပြီး စုပေကိုယ်ပေါ်ကျရောက်နေသည်။အန္တရာယ်အဆင့်ပါ အကြည့်တွေကလုံးဝကိုအန္တရာယ်အဆင့် မကြာခင်ပေါက်ကွဲတော့မည့် ဗုန်းတစ်လုံးအတိုင်းပင်.......
လွန်ခဲ့တဲ့မိနစ်အနည်းငယ်တုန်းက စုပေကသူ့ကိုအီစီကလီစီလုပ်နေခဲ့တယ် အခုတော့မိန်းကလေးတစ်ဦးနဲ့တွဲဖို့ကြိုးစားနေတယ် ...ကောင်းတယ် သိပ်ကိုကောင်းတယ်စုပေ!!
စုပေ ရုတ်တရက်အနမ်းတစ်ခုကြောင့် ဆွံ့အနေရာကနေ အေးစိမ့်လာတဲ့ခံစားချက်ကြောင့်သတိပြန်ဝင်လာတယ်....တိတိကျကျပြောရရင်သူ့နောက်ကျောက အေးစိမ့်လွန်းတဲ့ခံစားချက်ကြောင့်ချွေးစေးတွေတောင်ပြန်လာပြီ သူမကောင်းတဲ့ခံစားချက်တွေဝင်နေပြီ။
သူ့နောက်ကျောကနေရနေတဲ့မကောင်းတဲ့ခံစားချက်တွေကြောင့် သူအနောက်လှည့်ကြည့်လိုက်ချိန်မှာ ဖုန်းရှင်းလန်ကိုမြင်လိုက်ရတယ်။ကြောက်စရာအကြည့် ၊ ကြောက်စရာအပြုံး ၊ ကြောက်စရာမျက်နှာထားနဲ့ သူ့ကိုစိုက်ကြည့်နေတဲ့ဖုန်းရှင်းလန်!!
System 748 - "ဂုဏ်ယူပါတယ် host !! အခုဆိုသင့်ရဲ့ ဆွဲဆောင်ခြင်းယူနစ်ဘားက 3% တောင်ကျဆင်းသွားပါပြီ အခုဆိုသင့်ရဲ့ <ဆွဲဆောင်မှုတိုးတက်ခြင်း> မှာစုစုပေါင်း 6% ပဲကျန်ရှိပါတော့တယ်"
စုပေတစ်ယောက်ရူးသွားတော့မလိုပဲ။ ဒီနွားကောင်ကဘာကိစ္စငါ့ရဲ့ ဆွဲဆောင်ခြင်းယူနစ်ဘားမှာရာခိုင်နှုန်းကျဆင်းသွားတဲ့ဟာကိုလာဂုဏ်ပြုပေးနေပါသနည်း။
စုပေအတွက်အခုလောလောဆယ် သူ့ယူနစ်ဘားကျဆင်းနေတာပဲအရေးကြီးသည် သူ့ရှေ့ကမိန်းမလှလေးကောဘာကောညာကောမှသူ့အတွက်အရေးမကြီးတော့ ထို့ကြောင့် သူ ချန်းကွမ်းရှောင်ကိုထားခဲ့ကာ ဖုန်းရှင်းလန်ဆီအပြေးအလွှားသွားသည်။
"ခဏလေး ကျွန်တော်ပြောတာနားထောင်ပေးပါ ကျွန်တော်ရှင်းပြပါ့မယ်"
ချန်းကွမ်းရှောင်ဆိုတာကလည်း ဖုန်းရှင်းလန်နဲ့တွဲချင်နေတဲ့မိန်းမလေးတစ်ယောက်ဖြစ်သည်။ထို့ကြောင့် စုပေထွက်သွားတာနဲ့သူမလည်းနောက်ကလိုက်လာသည်။သူမကငိုယိုပြီးသနားစဖွယ်လေသံလေးနှင့်စုပေကိုပြောသည်။
"စုပေ ငါလေ...ငါ့မှာပိုက်ဆံအရမ်းလိုအပ်နေပေမယ့် နင့်ရည်းစားတော့မဖြစ်ချင်ဘူး...နင်ငါ့နဲ့ရည်းစားဖြစ်ချင်လို့တောင်းဆိုနေမှန်းသိပါတယ် ဒါပေမယ့် ငါသဘောမတူနိုင်ဘူးနော်"
ဝှိုင်း ဘာကိစ္စသူမကဒုက္ခသည်လေသံနဲ့ပြောနေတာလဲ ဘယ်သူကဒုက္ခရောက်နေတာတုန်း!! ဘယ်သူကပိုက်ဆံမရမချင်းတောင်းနေတာလဲဟမ် သေချာပြောစမ်းပါ!
စုပေသူ့အပေါ်မိုးကြိုးအတောင့်လိုက်ပစ်ချလိုက်သလိုခံစားရသည်။သေလိုက်ပါလား ဘယ်သူကသူမကိုရည်းစားဖြစ်ပေးပါလားလို့အတင်းတောင်းဆိုနေလို့တုန်း! ဘာတွေဖြစ်ကုန်တာတုန်းဟမ် ဘာကိစ္စစကားလုံးတွေကတလွဲပြောင်းလဲပြီးပြောနေတာတုန်း!!!
ဘာကိစ္စသူ့ကိုမဟုတ်မမှန်တွေပြောပြီးစွပ်စွဲနေရတာတုန်း ဒါမကောင်းပါဘူးနော် သူကရိုးသားသူလေးတစ်ယောက်ပါ.....
ဖုန်းရှင်းလန်မျက်နှာမဲမှောင်သွားပြီးသူ့ကိုစကားလုံးတွေနဲ့ထေ့ငေါ့ပြောဆိုသည်။
"ဪ ဪ Mr.စုက တစ်ဦးထဲကိုပဲရူးရူးမိုက်မိုက်ချစ်မြတ်နိုးတတ်သူထင်ပါ့"
စုပေကိုထေ့ငေါ့တိုက်ခိုက်ပြီးတာနဲ့သူလှည့်ထွက်သွားသည်။စုပေချက်ချင်းနောက်ကလိုက်ဖို့ပြင်ပင်မယ့် ဖုန်းရှင်းလန်ရဲ့ယဥ်ကျေးသိမ်မွေ့ စွာထွက်လာတဲ့စကားကြောင့်ရပ်တန့်သွားသည်။
"မင်းငါ့နောက်ဆက်လိုက်ရင် ငါမင်းခြေထောက်တွေကိုချိုးပစ်မယ်"
စုပေခြေထောက်လေးနှစ်ချောင်းလုံးတုန်ယင်သွားသည်။လာပြန်ပြီ ဒီခြေထောက်ချိုးဖို့ပဲ....သူဘာဆက်လုပ်ရမလဲမသိတော့ဘူး။
ချင်းကွမ်းရှောင်ကနှစ်လိုဖွယ်အပြုံးလေးနဲ့ ဖုန်းရှင်းလန်ကို ဦးညွှတ်ကာစကားလှမ်းပြောလိုက်သည်။သူမအပြုအမူလေးတွေက မိန်းမကောင်းတစ်ယောက်ရဲ့အမူအရာလေးတွေဖြစ်သည်။
"Mr.ဖုန်း ကျေးဇူးပြု၍ကျွန်မစကားနည်းနည်းလောက်ပြောလို့ရမလား"
ဖုန်းရှင်းလန် သွားနေရာကရပ်သွားသည်။သူနောက်ပြန်လှည့်ကြည့်လိုက်တဲ့အခါ စုပေကလည်းသူ့နောက်မှာရှိနေတုန်း....ဒါပေမယ့်သူစုပေကိုဂရုမစိုက်ဘဲ ချင်းကွမ်းရှောင်ဆက်ပြောမည့်စကားကိုသာစောင့်နေသည်။
ချင်းကွမ်းရှောင်က ဆုံးဖြတ်ချက်ကြီးကြီးမားမားကိုခက်ခက်ခဲခဲချလိုက်ရသည့်ပုံစံဖြင့်ပြောသည်။
"Mr.ဖုန်း ရှင်ကျွန်မကိုငါးသန်းလောက်ချေးလို့ရမလား ကျွန်မပြန်ဆပ်မှာပါ"
ဖုန်းရှင်းလန်သူမကိုစကားပြန်မပြောဘဲ သူ့လက်ထောက်ကိုလှမ်းကြည့်လိုက်သည်။ သူတို့မျက်လုံးချင်းစုံသွားတာနဲ့ မလှမ်းမကမ်းမှာရပ်နေတဲ့သူ့လက်ထောက်ကချက်ချင်းရောက်လာပြီးချင်းကွမ်းရှောင်အတွက် ငါးသန်းတန်ချက်လက်မှတ်တစ်စောင်ရေးပေးလိုက်သည်။
ချက်လက်မှတ်ရတာနဲ့ ချင်းကွမ်းရှောင်က အရမ်းကိုကျေးဇူးတင်သွားတဲ့အမူအရာနဲ့ဖုန်းရှင်းလန်ကိုလေးလေးနက်နက်ဦးညွှတ်အရိုအသေပေးလိုက်သည်။
"ကျေးဇူးတင်ပါတယ် Mr.ဖုန်း ကျွန်မတကယ်ပြန်ဆပ်မှာပါ ကတိပေးပါတယ်!"
ဖုန်းရှင်းလန်ခံစားချက်မရှိသည့်လေသံနှင့်တိုတိုတုတ်တုတ်ပြန်ပြောသည်။
"ငါ့အိမ်မှာ အိမ်အကူတစ်ယောက်လိုနေတယ်"
ချင်းကွမ်းရှောင် အခွင့်အရေးတစ်ခုရလိုက်သလိုခံစားချက်အလင်းတစ်ချို့မျက်လုံးထဲမှာပေါ်လာသည်။သို့ပေမယ့် သူမချက်ချင်းခေါင်းငုံ့ကာအပြုံးတစ်ပွင့်နှင့်ပြန်ပြောသည်။
"အကယ်၍ Mr.ဖုန်း စိတ်အနှောက်အယှက်မဖြစ်ဘူးဆိုရင် ကျွန်မကိုအခွင့်အရေးပေးပါ ကျွန်မဝင်လုပ်ပါ့မယ်"
ဖုန်းရှင်းလန် အခုထိခံစားချက်တစ်ခုတစ်လေတောင်မရှိသေးတဲ့လေသံနှင့်ပြန်ပြောသည်။
"မနက်ဖြန် သုခဘုံစံအိမ်တော်"
ချင်းကွမ်းရှောင်ဆုံးဖြတ်ချက်ခိုင်ခိုင်မာမာချထားသည့်ပုံစံနှင့် ဟုတ်ကဲ့ ဟုလျင်လျင်မြန်မြန်ပြန်ပြောသည်။
စုပေကတော့ သူ့ခြေထောက်သူကြည့်လိုက် ထွက်သွားတော့မည့်ဖုန်းရှင်းလန်ကိုကြည့်လိုက်နှင့် အလုပ်များနေသည်။ ထပ်ခါထပ်ခါ သူ့ခြေထောက်ကိုကြည့်လိုက် ဖုန်းရှင်းလန်ကိုကြည့်လိုက်နှင့်တစ်ခုခုကိုရွေးချယ်နေသည့်နှယ်!
ကောင်းပြီ သူဖုန်းရှင်းလန်ကိုပဲရွေးတော့မယ်!!
Mission ကသူ့ခြေထောက်ထက်ပိုအရေးပါသည်။ ခြေထောက်ချိုးခံရတာကသိပ်တော့မနာလောက်ဘူးမလား...
စုပေ ဖုန်းရှင်းလန်ကိုလျင်မြန်စွာလှမ်းဆွဲလိုက်သည်။သိုသော် သူစကားတစ်ခွန်းတောင်မပြောရသေးခင်မှာပဲ ဖုန်းရှင်းလန်၏တုန်လှုပ်မှုမရှိတဲ့ တည်ငြိမ်လွန်းသောလေသံကြီးကိုကြားလိုက်ရသည်။
"သူ့ခြေထောက်တွေကိုချိုးလိုက်........ငါ့အတွက်"
သူ့အမိန့်ရတာနဲ့ ထွားကြိုင်းသန်မာလွန်းတဲ့လူကြမ်းကြီး နှစ်ယောက်ထွက်ပေါ်လာပြီး စုပေကို သူနဲ့ဝေးရာဆီကြမ်းတမ်းစွာတရွတ်တိုက်ဆွဲခေါ်သွားသည်။မကြာခင်သူတို့စုပေခြေထောက်ကိုချိုးကြတော့မည်။
စုပေကလည်းသူ့ခြေထောက်ချိုးခံရတော့မည့်အရေးကိုဒီတိုင်းငြိမ်ခံမနေနိုင်ပါ အတင်းရုန်းကန်နေရင်းဖုန်းရှင်းလန်ကိုကျယ်လောင်စွာအော်ပြောသည်။
"အမေကကျွန်တော်ကိုပြောခိုင်းလိုက်တယ် ခင်ဗျားကိုညစာတူတူစားဖို့အိမ်ကိုဖိတ်ခေါ် ခဲ့ပါတဲ့"
ဖုန်းရှင်းလန်သူ့ကိုနောက်ပြန်လှည့်ကြည့်တဲ့အခါ စုပေကထုံးစံအတိုင်း သူအရမ်းရိုးသားပါတယ် ဆိုတဲ့အကြည့်နှင့်ပြန်ကြည့်သည်။
"တကယ်တော့လေ ချင်းကွမ်းရှောင်က သူအရင်ကျွန်တော်နဲ့တွေ့ဖို့ချိန်းတာ ပြီးတော့ကျွန်တော့်ဆီကနေပိုက်ဆံချေးချင်တယ်တဲ့။အခုကျွန်တော့်နှလုံးသားကခင်ဗျားတစ်ယောက်ထဲအတွက်ခုန်နေတာပါ ကျွန်တော့်နှလုံးသားထဲမှာ ခင်ဗျားတစ်ယောက်ထဲရှိတာ ဘာလို့သူမကိုကျွန်တော့်ရည်းစားအဖြစ်လိုချင်ရမှာလဲ"
ပြောရမယ်ဆိုရင် စုပေ ချစ်ကြောင်းကြိုက်ကြောင်းအနုအရွစကားလုံးတွေမပြောတတ်ဘူး။ဒီလိုစကားတွေပြောမယ့်အချိန်တိုင်း သူ့လျှာထောက် ထောက်သွားတတ်တယ် မလွယ်ကူနေဘူး.... ဒါပေမယ့် အခုတော့ လွယ်လွယ်ကူကူပြောထွက်နေတယ် ကြည့်ရတာ မူလစုပေရဲ့ အီစီကလီစီလုပ်နိုင်တဲ့အရည်အချင်းတွေကိုသူပါရသွားတာဖြစ်မယ်။
"ကျွန်တော်ကျိန်ပြောနိုင်တယ် ကျွန်တော်သူမကို ငါမင်းကိုပိုက်ဆံချေးပေးမယ် မင်းငါ့ရည်းစားလုပ်ပေးလို့ တစ်ခါမှမပြောခဲ့ဖူးပါဘူး ဆင်တူယိုးမှားစကားလေးတစ်ခွန်းတောင်မပြောလိုက်ပါဘူး"
ဖုန်းရှင်းလန် သူ့ကိုဖျက်ခနဲကြည့်လိုက်တယ်။ ထိုအခါသူ့ကိုချုပ်ထားတဲ့လူကြမ်းကြီးနှစ်ယောက်က သူ့ကိုလွှတ်ပေးလိုက်တယ်။
စုပေစိတ်သက်သာရာရသွားတဲ့အနေဖြင့်သက်ပြင်းငွေ့ငွေ့ချလိုက်ပြီး သူ့အင်္ကျီကတွန့်နေတဲ့နေရာတွေကိုဖြန့်လိုက်သည်။ထို့နောက် ဖုန်းရှင်းလန်ကိုမျှော်လင့်ချက်ကြီးစွာဖြင့်စိုက်ကြည့်လိုက်သည်။