《ငါးသန်းတန်အိမ်အကူမလေး》
စုပေရှင်းပြနေသည့်စကားတွေကိုကြားပြီး ချင်းကွမ်ရှောင်အမှန်တွေပေါ်ကုန်တော့မည်ဆိုး၍တုန်လှုပ်သွားသည်။ ဒါ့ကြောင့် ချက်ချင်းသူမကရိုးသားပါတယ်ဆိုတဲ့လေသံလေးနှင့် ဖုန်းရှင်းလန်ကိုရှင်းပြသည်။
"မစ္စတာဖုန်း သူပြောတာမယုံလိုက်ပါနဲ့နော် သူအရူးလုပ်တာမခံပါနဲ့ရှင်...သူကလေကျွန်မကို သူ့ရည်းစားလုပ်ဖို့အတင်းခြိမ်းခြောက်ပြောခဲ့တာရှင့် ပြီးတော့ သူ....သူ"
သူမစကားဆုံးအောင်ဆက်မပြောဘဲ စတင်ငိုတော့သည်။
ဖုန်းရှင်းလန် သူမငိုယိုနေတာကိုမထူးခြားသည့်ပုံစံနှင့်ကြည့်ရင်းပြောသည်။
"ဆက်ပြောပါဦး ဘာဖြစ်တယ်"
ချင်းကွမ်းရှောင် သူမအရှက်ကွဲအကျိုးနည်းဖြစ်ခဲ့ရသည့်ပုံမျိုးနှင့်ဆက်ပြောသည်။
"ပြီးတော့ ပြီးတော့သူကရှင့်ကိုအရုပ်တစ်ရုပ်လိုပဲသဘောထားတာပါတဲ့ ...သူကယောကျ်ားချင်းကြိုက်တဲ့သူတစ်ယောက်မဟုတ်ပါဘူးတဲ့"
စုပေအဲ့နေရာပဲရေခဲရုပ်လိုတောင့်တောင့်ကြီးရပ်နေမိသည်။ဒီချင်းကွမ်းရှောင်က....တကယ့်ကိုစကားပလောင်းပလဲပြောတတ်တဲ့ခွေးမတစ်ကောင်ပဲ!!!
သူဖုန်းရှင်းလန်ဘေးနားသို့ချက်ချင်းသွားရပ်ပြီး အတည်ပေါက်လေသံဖြင့်ပြောသည်။
"ကျွန်တော်တစ်ခါမှအဲ့လိုမပြောခဲ့ဖူးဘူး ကျိန်ဆိုကျိန်ရဲပါတယ် ဒါတမင်သက်သက်ချောက်ချတာ ကျွန်တော်ကအပြစ်ကင်းပါတယ်ဗျာ"
ဒါပေါ့ သူကအဖြောင့်ကောင်စစ်စစ်...ယောကျ်ားလေးတွေကိုတစ်ခါမှ စိတ်ဝင်စားဖူးတဲ့သူမဟုတ်....ဒါပေမယ့်သူဒီလိုစကားနဲ့စော်ကားမော်ကားတော့မပြောဆိုဖူးဘူး....
စုပေရှင်းပြချက်တွေကိုကြားတဲ့အခါ ဖုန်းရှင်းလန်က 'ဟွန်း' ကနဲလုပ်ကာနှာမှုတ်ပြလေသည်။
System 748 - "ဆွဲဆောင်ခြင်းယူနစ်ဘားမှာ 3% တိုးသွားပါပြီ ဒါကြောင့် <ဆွဲဆောင်မှုတိုးတက်ခြင်း> တာဝန်စုစုပေါင်း 9% ဖြစ်သွားပါပြီ"
စုပေ နည်းနည်းတော့စိတ်သက်သာရာရသွားသည်။တော်ပါသေးရဲ့ အများကြီးတက်လာတာတော့မဟုတ်ပေမယ့် အနည်းဆုံးတော့မူလရာခိုင်းနှုန်းကိုပြန်ရောက်သွားပြီ။
ဖုန်းရှင်းလန်ပြောလိုက်သည်။ "သွားကြစို့"
စုပေဇဝေဇဝါဖြစ်သွားသည်။ "ဘယ်နေရာကိုလဲ"
ဖုန်းရှင်းလန်ခေါင်းနည်းနည်းစောင်းပြီး စုပေကိုကြည့်သည်။သူ့ရဲ့မည်းမှောင်နေတဲ့မျက်ဝန်းတစ်စုံက စုပေကိုကြက်သီးမွှေးညင်းထစေသည်။
"မင်းအိမ်ကိုညစာတူတူစားဖို့ဖိတ်ထားတယ်လို့ မင်းကိုယ်တိုင်ပြောခဲ့တာမဟုတ်ဘူးလား"
စုပေ ကြက်ပေါက်စလေးတစ်ကောင်ကအစာကောက်သလို သူ့ခေါင်းကိုအကြိမ်ကြိမ်ညှိမ့်ပြလိုက်သည်။
"ဟုတ်တယ်....ဟုတ်တယ်....ဟုတ်တယ်"
တကယ်တော့သူကဒီတိုင်းအဖြစ်သဘောအနေနဲ့ပြောလိုက်တာ ဒါပေမယ့်ဖုန်းရှင်းလန်ကထိုစကားကိုအတည်ယူချလိုက်လို့မည်သူကထင်မည်နည်း။အခုသူကတိပေးလိုက်ပြီဆိုတော့ အိမ်ခေါ်သွားရတော့မယ် ဘယ်တတ်နိုင်မတုန်း !! ကတိပေးလိုက်တော့လည်းတည်ရတော့မှာပေါ့!!
ချင်းကွမ်းရှောင် အခုသူမကြောက်ရွံ့ခြင်းကိုခံစားလာရသည်။ဒါသူမ စုပေကိုထိတ်လန့်အောင်လုပ်မိလို့တန်ပြန်ခံစားရခြင်းများလား။မဖြစ်နိုင်ဘူး.....စုပေနဲ့ဖုန်းရှင်းလန်ကြားကဆက်ဆံရေးကသူမထင်ထားတာထက် ပိုမိုကောင်းမွန်နေသည်။ဒါဘယ်လိုလုပ်ဖြစ်နိုင်မှာတုန်း!!
သူမကြောက်ရွံ့နေတဲ့ကြားထဲက သေချာသတိထားပြီးခေါ်လိုက်သည်။
"မစ္စတာဖုန်း"
ဖုန်းရှင်းလန်ကသူမကိုအကြည့်တစ်ချက်တောင်မစွံ့ ကြဲ.....စုပေနဲ့တူတူသူ့ကားရှိရာသို့တိုက်ရိုက်သွားပြီးကားမောင်းထွက်သွားသည်။
သူတို့ကားထွက်သွားတာနဲ့တစ်ပြိုင်နက် ချင်းကွမ်းရှောင်မျက်နှာအမူအရာမဲမှောင်ကျသွားသည်။ဒီစုပေက သူမကို တော်တော်ဒုက္ခပေးတဲ့ကောင်ပဲ။
System 748 - " ဒီကမ္ဘာနဲ့ပတ်သက်တဲ့ဇာတ်ကြောင်းအသစ်ပွင့်ပါပြီ ကျေးဇူးပြုပြီးလက်ခံပေးပါ "
စုပေထိုအခါမှတစ်စုံတစ်ခုကိုတွေးမိသွားသည် ဟုတ်တာပေါ့ သူဒီကမ္ဘာရဲ့ဇာတ်ကြောင့်အပြည့်အစုံမသိရသေးတာပဲ။ထိုအချိန်မှာပဲ သူ့ခေါင်းထဲသို့ စာသားတွေတစ်ပုံတစ်ခေါင်းကြီးဝင်လာသည်။သူခပ်မြန်မြန်ပဲထိုစာသားတွေကိုဖတ်လိုက်သည်။ဒီဇာတ်ကြောင်းကစိတ်ကူးယဥ်ဝတ္တတစ်ပုဒ်ပဲဖြစ်တယ်.....
အမျိုးသားဇာတ်လိုက်က ဖုန်းရှင်းလန် ၊ အမျိုးသမီးဇာတ်လိုက်ကတော့ ချင်းကွမ်းရှောင် ၊ သူကတော့အမြောက်စာမိမယ့် ခြေထောက်ကျိုးဗီလိန်ဇာတ်ကောင်လေးစုပေ။
စုပေဖတ်ပြီးတဲ့အခါ သူ့ကိုယ်သူတည်ငြိမ်နိုင်ဖို့အချိန်နည်းနည်းယူလိုက်ရသည်။
"ဆိုတော့ ဒီကမ္ဘာကစိတ်ကူးယဥ်ဝတ္တုကမ္ဘာပေါ့ ဟုတ်လား"
System 748 ကသူ့ပုံမှန်အေးစက်စက်လေသံနှင့်ပြန်ဖြေသည်။
"မင်း နားလည်သလိုသတ်မှတ်လိုက်လို့ရပါတယ်"
စုပေသူ့မျက်လုံးကိုအပေါ်လှန်ပြလိုက်သည်။
"748! မင်းပြောတဲ့အတိုင်းဆိုငါက ဇာတ်လိုက်ကောင်နဲ့ဇာတ်လိုက်မ ကြားဝင်နှောက်ယှက်မယ့် တတိယလူ ဒါမှမဟုတ် အမြှောက်စာမိမယ့်ဗီလိန်လေးဖြစ်လာမှာပေါ့ဟမ်!!လာနောက်နေတာလား!! ငါ့ကိုဒီလိုလူကိုယ်ထဲပို့လိုက်တာ နည်းနည်းမသင့်တော်ဘူးလို့မင်းမခံစားရဘူးလား"
System 748 - "ဒါဆို ငါမင်းကိုနောက်တစ်ကမ္ဘာကျရင် အာဖရိက ကိုပို့ပေးမယ်"
စုပေ သူ့ဂန္ဓမာပန်းလေးတင်းကြပ်သွားသလိုခံစားလိုက်ရသည်။ (T/N - ဂန္ဓမာပန်း = asshole )
"မဟုတ်ဘူး မပို့ပါနဲ့ ငါ Mission တိုင်းကိုကြိုးကြိုးစားစားလုပ်ပါ့မယ်"
ငါဇာတ်လိုက်ကောင်ကိုဆွဲဆောင်ရမယ့်အချိန်တိုင်းမှာချင်းကွမ်းရှောင် ကငါ့အတွက်တကယ့်ကိုကြီးမားလွန်းတဲ့အနှောင့်အယှက်ဖြစ်လာမယ်ထင်တယ်!ပြီးတော့ အခုအချိန်မှာ မူလဇာတ်ကြောင်းအတိုင်း ချင်းကွမ်းရှောင်ကဖုန်းရှင်းလန်ရဲ့အိမ်အကူဖြစ်လာပြီ။နောက် မူလဇာတ်ကြောင်းအတိုင်း တစ်ဖြည်းဖြည်းချစ်ကြိုက်သွားကြလိမ့်မယ်။သောက်ကျိုးနည်း...သူတို့ကအခုအတူတူတောင်နေကြတော့မယ်!
ဒါကိုဘယ်လိုလုပ်ရမလဲ!!သူ့ mission ကိုရောဘယ်လိုလုပ်ရမလဲ!!
စုပေ အမျိုးမျိုးတွေးတောစဥ်းစားပြီးနော် ဖုန်းရှင်းလန်ကိုမေးလိုက်တယ်။
"ခင်ဗျားအိမ်မှာအိမ်အကူတွေတော်တော်လိုနေလို့လား"
ဖုန်းရှင်းလန်ကအမူအရာမဲ့စွာပြန်ဖြေသည်။
"မဟုတ်ပါဘူး"
စုပေကလည်းထပ်မေးသည်။
"အဲ့တာဆိုဘာလို့ ချင်းကွမ်းရှောင်ကို အိမ်အကူလုပ်ခိုင်းလိုက်ရတာလဲ"
စုပေမေးသမျှကိုဖုန်းရှင်းလန်ကမညီးမညူဘဲနဲ့ဖြေးဖြေးချင်းပြန်ဖြေပေးသည်။
"သူမကိုချေးကိုငါးသန်းဒီတိုင်းချေးပေးလိုက်ရင် သူမဘယ်တော့မှပြန်ဆပ်တော့မှာမဟုတ်ဘူး"
နောက်ဆုံးတော့စုပေနားလည်သွားပြီ။
"ဒါဆို ခင်ဗျားကငါးသန်းနဲ့အိမ်အကူတစ်ယောက်ဝယ်လိုက်တယ်ဆိုတဲ့အဓိပ္ပါယ်ပေါ့"
ဖုန်းရှင်းလန်ဒီတစ်ခါတော့သူ့ကိုပြန်မဖြေတော့ဘူး။ဒါပေမယ့် သူပြောလိုက်တဲ့စကားကိုဖုန်းရှင်းလန်သဘောတူမှန်းစုပေသိပါသည်။
သို့ပါသော်လည်း စုပေမနေနိုင်မထိုင်နိုင်လေသံတိုးတိုးလေးနဲ့ပွစိပွစိစကားပြောနေသေးသည်။
"ဒါပေမယ့် ခင်ဗျားသူမကိုပိုက်ဆံမချေးပေးလိုက်လည်းရနေတာပဲကို ဟွင့်"
ငါးသန်းပေးပြီးအိမ်အကူတစ်ယောက်ဝယ်တယ်!
အသုံးကိုမကျဘူး! အိမ်အကူလည်းတကယ်မလိုအပ်ပဲနဲ့ ဒါသက်သက်ပိုက်ဆံဖြုန်းတီးတာ!
ဖုန်းရှင်းလန်နှုတ်ခမ်းတွေအနည်းငယ်ကော့တတ်သွားတယ်။သူဘယ်လိုချင်းကွမ်းရှောင်ရဲ့အကြံအစည်တွေကိုမသိဘဲနေမှာလဲ... ဒီတိုင်းသူမကိုမမြင်ချင်တော့လို့ ပိုက်ဆံထုတ်ချေးပေးလိုက်ယုံတင်ပါ!
System 748 - "ဆွဲဆောင်ခြင်းယူနစ်ဘား 2% ထပ်တက်သွားပြီ စုစုပေါင်း <ဆွဲဆောင်မှုတိုးတက်ခြင်း> တာဝန် 11% ပြီးမြောက်ပါပြီ"
စုပေအိမ်သို့ရောက်တဲ့အခါ စုပေတံခါးဖွင့်လိုက်တယ်။သူတံခါးဖွင့်လိုက်တာနဲ့သူ့အမေ၏ကျယ်ကျယ်လောင်လောင်လှမ်းမေးလိုက်တဲ့အသံကိုအရင်ကြားလိုက်ရသည်။
"မင်း ကောင်မလေးကိုအိမ်ခေါ်လာခဲ့လား"
"ကောင်မလေး?"
ချက်ချင်းဖုန်းရှင်းလန်လေသံက ကြောက်စရာကောင်းသွားသည်။စုပေသူ့နောက်ကျောနောက်တစ်ကြိမ်ချွေးစေးပြန်ကာအေးစက်လာပြန်ပြီ။သူခေါင်းကိုတွင်တွင်ခါယမ်းပြီးတုန်ယင်နေသည့်လေသံနှင့်ဖုန်းရှင်းလန်ကိုပြန်ပြောသည်။
"မဟုတ်ပါဘူး မဟုတ်ပါဘူး သူမနားကြားမှားတာနေမှာပါ....ငါတစ်စုံတစ်ယောက်ကိုအိမ်ခေါ်လာခဲ့မယ်လို့ သူမကိုပြောခဲ့တာတော့ဟုတ်တယ် ဒါပေမယ့်ငါခေါ်လာမယ့်တစ်စုံတစ်ယောက်က မိန်းကလေးလို့တော့မပြောခဲ့ပါဘူး"