《အမျိုးသမီးဇာတ်လိုက်ရောက်လာပြီ!!》
နောက်တစ်နေ့နံနက်ခင်းမှာ တံခါးဘဲလ်သံကြောင့် စုပေနိုးလာရသည်။တကယ်တော့ သူအိပ်ရာကနေမထချင်သေးဘူး။ ဒါပေမယ့်မထလို့မရ တံခါးဘဲလ်သံကမခံမရပ်နိုင်အောင်ဆူညံနေသည်။ သူထလိုက်တဲ့အခါ သူ့လည်ချောင်းကအခြေအနေသိပ်မကောင်း ...
လည်ချောင်းတော်တော်နာနေသည်။
သူသိပ်သိချင်မိသည်။သူအရင်ဘဝကဘယ်လို အပြစ်တွေများကျူးလွန်ခဲ့မိလို့ ဒီလိုအမျိုးသားဇာတ်လိုက်ကိုဆွဲဆောင်ခိုင်းရတာလဲ! ပြီးတော့....
ဒီဇာတ်လိုက်ကလည်း အခြားဇာတ်လိုက်တွေမဟုတ်ဘဲ ဘာကိစ္စ အရမ်းတွေယုတ်မာတတ်ရတာတုန်း!! အမြောက်စာမိမယ့် ဗီလိန်ဇာတ်ရံလေးတွေတောင် သူ့လောက်မယုတ်မာမယ်မထင်.......
စုပေသူ့အခန်းထဲကထွက်ပြီး အောက်ထပ်ကိုသွားကာ တံခါးဖွင့်ပေးဖို့လုပ်လိုက်သည်။ တံခါးဝကလူကလည်း တစ်ယောက်ယောက်မဖွင့်မပေးချင်း ဘဲလ်ဆက်တီးနေမယ့်ပုံ...သူနားငြီးမခံနိုင်ပါ! သူအောက်ထပ်ရောက်တဲ့အခါ မထင်မှတ်ထားတဲ့အရာတစ်ခုတွေ့လိုက်ရသည်။ထိုအရာကတော့ စားပွဲပေါ်မှာတင်ထားတဲ့ဆေးပုလင်းလေးပင်။
သူထိုဆေးပုလင်းကိုယူကြည့်လိုက်တဲ့အခါ ထိုဆေးကလည်ချောင်းနာတဲ့သူတွေသောက်ဖို့အတွက်မှန်းသိလိုက်ရသည်။ အိုး အိုး ဆိုတော့ဒီဆေးပုလင်းက သူသောက်ဖို့အတွက်ပေါ့။ အိမ်း ဒီလိုဆိုတော့လည်း ဖုန်းရှင်းလန်ကအဲ့လောက်ထိမယုတ်မာသေးပါလား....လူစိတ်နည်းနည်းတော့ရှိသေးပုံရသည်.....
သူတံခါးဖွင့်လိုက်တဲ့အခါ ချင်းကွမ်ရှောင်က ချက်ချင်း သူ့မျက်နှာကိုမကြည့်ပဲ ခါးညွှတ်ကာအရိုအသေပေးလိုက်သည်။
"မစ္စတာဖုန်း ကျွန်မကရှင့်ရဲ့ကိုယ်ရေးကိုယ်တာ အိမ်အကူအနေနဲ့အလုပ်လာလုပ်တာပါ။ ရှင်ကျွန်မကိုလိုအပ်တဲ့အကြံဥာဏ်တွေပေးလို့ရပါတယ်"
စုပေတိတ်ဆိတ်သွားသည်။ သူမအိမ်အကူအနေနဲ့လာလုပ်တာတော့ ပြဿနာမရှိပါဘူး ဒါပေမယ့် အိမ်အကူတစ်ယောက်အနေနဲ့ဆိုရင် အခုသူမဝတ်လာတဲ့အဝတ်အစားကအရမ်းတိုပြီး ဖော်ချွတ်မနေလွန်းဘူးလား?? ဒီမှာအိမ်အကူလာလုပ်တာလား ဒါမှမဟုတ် လာမြူစွယ်တာလားဟမ်! သူမအခုအရိုအသေပေးနေတဲ့အချိန်မှာ သူမရဲ့ရင်သားနှစ်မွှာကြားမြောင်းကိုပါ သူမြင်နေရသည်။ ပြီးတော့ သူ့ရင်သွားနှစ်မွှာကလည်း အဟမ်း အဟမ်း!!
ချင်းကွမ်းရှောင်သူမဒီလောက် စကားပြောနေတာတောင် တစ်ဖက်မှဘာမှပြန်မပြောအတွက် သူမ မသင်္ကာဖြစ်လာကာ ခေါင်းမော့ကြည့်လိုက်သည်။သူမမော့ကြည့်လိုက်တဲ့အခါ မြင်လိုက်ရသည့်လူကြောင့် သူမမျက်နှာစိမ်းဖန့်ဖန့်ဖြစ်သွားသည်။
ဒီကောင်ကဘာကိစ္စ မစ္စတာဖုန်းအိမ်ကိုရောက်နေရတာလဲ!သူမ မသိမသာပျက်ရယ်ပြုသည့်လေသံနှင့်စုပေကိုပြောလိုက်သည်။
"ဘယ်လိုလုပ် နင်ဖြစ်နေရတာလဲဟမ်!!"
အစကတော့ စုပေသူမမေးတာကိုပြန်ဖြေမလို့ပဲ ဒါပေမယ့်မထင်မှတ်ထားစွာ သူပြန်မဖြေခင်မှာပဲ ချင်းကွမ်ရှောင်ကသူ့ကိုပါးရိုက်လိုက်တယ်!!! ဖြန်း ခနဲမည်အောင်ကိုအရှိန်ပြင်းစွာစိုက်ချလိုက်တာ!!
ဒါတင်မကသေးဘူး သူမကသူ့ရင်ဘက်ကိုထုရိုက်ပြီးအော်လည်းအော်ပြောသေးတယ်။
"နင် လူလိမ်ကောင်!!!"
ဒီခွေးမကတော့!! စုပေ မျက်နှာမဲမှောင်သွားပြီး သူ့လေသံတွေလည်းအေးစက်လာသည်။
"ချင်းကွမ်းရှောင်!! မင်းဒီအိမ်ကို အိမ်အကူအနေနဲ့အလုပ် လာလုပ်တယ်ဆိုတာတော့မမေ့သေးပါဘူးနော်"
"မင်းအိမ်အကူတစ်ယောက်အနေနဲ့ ဘာလုပ်ရမယ် ဘယ်လိုစကားမျိုးပဲပြောရမယ် ဘယ်လိုမျိုးဆိုမပြောရဘူးဆိုတာတော့ ရှင်းရှင်းလင်းလင်းသိနားလည်လိမ့်မယ်လို့ ငါမျှော်လင့်ပါတယ်"
"မင်းမမေ့နဲ့ မင်းကပိုက်ဆံငါးသန်းကိုပြန်ဆပ်ဖို့အလုပ်လာလုပ်တဲ့ အိမ်အကူသာသာပဲ အဲ့တာကြောင့်မင်းကအခြားအိမ်အကူတွေနဲ့အဆင့်တူတူပဲ ပြီးတော့ဒီအိမ်ကဘယ်သူ့ထက်မှပိုပြီးထူးခြားမနေဘူး အကုန်တူတူပဲတာမှတ်ထား!!"
"ဒီအိမ်ပိုင်ရှင်ဖြစ်တဲ့ ဖုန်းရှင်းလန်တောင် ပိုက်ဆံချမ်းသာတာနဲ့ စိတ်ရူးပေါက်တတ်တာလောက်ပဲ ပိုထူးခြားတာ ကျန်တာအကုန်ငါတို့နဲ့တူတူပဲ"
ပြောရင်းပြောရင်း စုပေရဲ့အသံက တစ်ဖြည်းဖြည်းအက်ကွဲလာသည်။မသိရင် ဘဲမကြီးတစ်ကောင်က တဂတ်ဂတ် အော်ဟစ်နေသလိုလို.....
စုပေကထိုသို့ပြောသည့်အတွက် ချင်းကွမ်းရှောင်မျက်နှာနီရဲလာကာ မခံချင်စိတ်တွေဖြစ်ပေါ်လာသည်။
"နေစမ်းပါဦး နင်ကဘယ်ချိန်ကတည်းကစပြီး ဒီအိမ်ရဲ့ပြောခွင့်ဆိုခွင့်ရှိတဲ့ အဓိကလူဖြစ်သွားရတာလဲ ဟမ် ။အဟင်း ငါကနင့်ရည်းစားမဖြစ်ချင်ဘူးဆိုပြီး ငြင်းလိုက်တာနဲ့ပဲ နင်ကငါ့လူကိုလာမြူစွယ်နေတာ နင်မရှက်ဘူးလား ငါတော သူ့အစားနင့်ကို အရမ်းရွံတာပဲ!"
"အားယား အရယ်ရဆုံးဟာသကိုကြားလိုက်ရသလိုပဲ ဒီမှာ ငါပြောပြမယ်အမိ....ကမ္ဘာမြေကြီးပျက်သုဥ်းသွားရင်တောင် ငါနင့်လိုလူမျိုးကိုဘယ်တော့မှာကြိုက်မှာမဟုတ်ဘူး! "
စုပေသူ့ခေါင်းသူ ခေါင်းယမ်းလိုက်သည်။သူဘယ်တုန်းကမှ ဒီလိုမျက်နှာပြောင်တိုက်လွန်းတဲ့မိန်းမကိုမမြင်ဖူးဘူး။ဒီမိန်းမ တော်တော့်ကိုမျက်နှာပြောင်တိုက်လွန်းတယ် အရှက်မရှိချက်!
မူလဇာတ်ကြောင်းအတိုင်းဆိုရင် ဖုန်းရှင်းလန်ကသူမကိုကြိုက်သွားမှာ...နေစမ်းပါဦး ဖုန်းရှင်းလန်သူမကိုဘယ်မျက်လုံးနဲ့ကြည့်လို့ သူမရဲ့ဒီလိုပုံစံကိုကြိုက်သွားရတာတုန်း!
ထားပါ ဖုန်းရှင်းလန်သူမကို ဘယ်လိုကြောင့်ကြိုက်သွားတာတွေ ညာတွေသူလုံးဝမတွေးချင်ပေါင် ....သူအဲ့ဒီ့အကြောင်းကိုတွေးဖို့ရာအရမ်းပျင်းလွန်းသည်။ တကယ်တော့ သူတွေးစရာတောင်လိုမယ်မထင်ပါဘူး ...ဦးနှောက်မရှိတဲ့ကောင်မို့ သူမကိုကြိုက်တာပေါ့ ရှင်းရှင်းလေး...
သူဆိုဖာပေါ် ပျင်းပျင်းရိရိနဲ့အရိုးမရှိသလိုပစ်ထိုင်လိုက်တယ်။သူ ဖုန်းရှင်းလန်ကိုသူမလက်ထဲကနေကာကွယ်ဖို့လိုမည်။ သို့သော် သူအခုအရမ်းပျင်းရိနေသည် သူမကိုလည်းပျင်းပျင်းရိရိပဲပြောလိုက်သည်။
"မင်းဘာလို့ အခုထိအဲ့နေရာမှာရပ်စောင့်နေတာလဲ မဟုတ်မှလွဲရော အိမ်အကူတစ်ယောက်အနေနဲ့ အလုပ်ဘယ်လိုလုပ်ရမလဲဆိုတာကိုမသိလို့ ငါ့ကိုသင်ခိုင်းစေချင်နေတာတော့မဟုတ်ပါဘူးနော်?"
ဖုန်းရှင်းလန် အိမ်မှာမရှိတဲ့အတွက် သူမ sexy ကျတဲ့အဝတ် ဝတ်ပြီး သူမခန္တာကိုယ်ကိုဖော်ထားမပြချင်ဘူး။သူမမြူစွယ်ချင်တဲ့သူကအိမ်မှာမှ မရှိတာသူမဖော်ချွတ်ပြနေလည်းဘာထူးမှာတုန်း....ထို့ကြောင့် သူမ အပေါ်ဝတ်ကုတ်အင်္ကျီီလေး ထပ်ဝတ်ကာ အခန်းတွေကိုသန့်ရှင်းရေးစတင်လုပ်တော့သည်။
စုပေကတော့ ဆိုဖာပေါ်မှာ ပျင်းပျင်းရိရိနှင့်တွန့်လိမ့်ကာထိုင်နေသည်။ ထို့နောက်သူအကြံတစ်ခုရသွားကာ ဖုန်းဖွင့်ပြီး အချစ်စာသားလေးတွေကိုရှာကာ ဖုန်းရှင်းလန်ဆီကိုပို့လိုက်သည်။
သူ့မှာ ဘဏ်ကတ်တွေပိတ်ခံထားရတဲ့အတွက် ဖုန်းရှင်းလန်ဆီကိုပန်းတွေပို့ပေးပြီး ပိုးပန်းလို့မရဘူး။ အဲ့ဒီ့တော့ ပန်းပို့မယ့်အစား ချိုချိုသာသာဖြစ်မယ့် အီစီကလီစီစကားလေးတွေပဲပို့လိုက်တော့မှာပေါ့.......
ဖုန်းရှင်းလန် အလုပ်လုပ်နေတဲ့အချိန် သူ့ဖုန်းက vibration အသံမြည်လာတယ်။ထို့အပြင် အသံမြည်လာတဲ့ဖုန်းက သူ့လုပ်ငန်းသုံးဖုန်းမဟုတ်ဘဲ personal ဖုန်းဖြစ်တဲ့အတွက် သူအံ့သြပြီးဖွင့်ကြည့်လိုက်တယ်။
သူဖုန်းဖွင့်ကြည့်လိုက်တဲ့ စုပေဆီကအလွန်ချိုအီလွန်းပြီးအဓိပ္ပါယ်မရှိတဲ့စကားတွေ ပို့ထားတာကိုတွေ့လိုက်ရတယ်။
စုပေ _ " ကျွန်တော်လေ ခင်ဗျားရဲ့အတိတ်မှာ တူတူရှိနေခွင့် မရခဲ့ပေမယ့် ခင်ဗျားရဲ့အနာဂတ်မှာတော့ တူတူရှိနေခွင့်ရချင်တယ်။ ကျွန်တော် ကတိပေးပါတယ်ဗျာ။ ခင်ဗျားနဲ့တူတူ ခင်ဗျားကုမ္ပဏီကိုတိုးတက်ကြီးပွားအောင်လုပ်မယ်လို့လေ~~"
ဖုန်းရှင်းလန် စုပေကိုဘာမှပြန်မပြောချင် ဒီတိုင်းဖုန်းကိုပစ်ချထားလိုက်တော့သည်။
ဖုန်းရှင်းလန် ညနေမှာလုပ်ငန်းသဘောအရတွေ့ဆုံပွဲတွေရှိနေတဲ့အတွက် သူအိမ်ပြန်လာတဲ့အချိန်မှာတော့ အရမ်းကိုနောက်ကျနေပြီ။
သူအိမ်ပြန်ရောက်လို့ အိမ်တံခါးကိုဖွင့်လိုက်တဲ့အချိန်မှာ တွေ့လိုက်ရတဲ့မြင်ကွင်းကြောင့် သူထိုနေရာမှာပဲ တောင့်တောင့်ကြီးရပ်နေမိတယ်။အိမ်ထဲမှာ အရင်တုန်းကလိုမှောင်မည်းမနေခဲ့ဘူး ...အခုထိမီးတွေထိန်ထိန်လင်းနေတယ်။ ပြီးတော့ စုပေတစ်ယောက် သူ့ pajamas ကြီးကိုဝတ်ပြီး ဆိုဖာပေါ်မှာ ခြေကားယားလက်ကားယားကြီးနဲ့အိပ်ပျော်နေတယ်။ဖုန်းရှင်းလန်မျက်လုံးထဲမှာ ထူးဆန်းတဲ့ခံစားချက်အရိပ်အယောင်တစ်ချက် လက်ခနဲဖြစ်သွားတယ်။
အဲ့ဒီ့အချိန်မှာ system 748 ၏အဖျက်သမားစက်ရုပ်လိုလေသံထွက်ပေါ်လာ၍ စုပေအိပ်နေရာကနိုးသွားသည်။
"ဆွဲဆောင်ခြင်း ယူနစ်ဘား 1%တိုးသွားပါပြီ။ စုစုပေါင်း ရာခိုင်နှုန်း 26% ဖြစ်သွားပါပြီ"
စုပေအိပ်ချင်မူးတူးနဲ့ ပတ်ဝန်းကျင်ကိုလိုက်ကြည့်နေစဥ်မှာပင် အတောင့်လိုက်ရပ်နေတဲ့ဖုန်းရှင်းလန်ကိုတွေ့လိုက်ရ၍ အိပ်ချင်နေသောမျက်လုံးများပင် ပြူးကျယ်သွားလေသည်။
စုပေ လန့်သွားကာချက်ချင်းဖုန်းရှင်းလန်ကိုလိမ်လည်ပြောဆိုလိုက်သည်။
"ကျွန်တော်လုံးဝအိပ်မပျော်သွားဘူးနော် ကျွန်တော်ဒီမှာထိုင်ပြီးခင်ဗျားကိုတစ်ချိန်လုံးစောင့်နေတာ"
သူစကားကြောင့်ဖုန်းရှင်းလန် မနေနိုင်ဘဲရယ်မောမိသည်။
"မင်းက တကယ့်လူလိမ်လေး"
ဘယ်လိုလူက စုပေလိုခြေပစ်လက်ပစ်အိပ်ပြီး သူမိသွားတာတောင် မအိပ်ပါဘူးဆိုပြီးလိမ်နိုင်မှာလဲ????
748 - "ဆွဲဆောင်ခြင်း ယူနစ်ဘားမှာ 6% တိုးသွားပြန်ပြီ အခု စုစုပေါင်း 32%အထိဖြစ်သွားပြီ"
စုပေကာ သူ့ဘာသာပြန်တွေးကာနှစ်သိမ့်လိုက်တယ်။ သူဒီနေ့ညအရမ်းအိပ်ချင်နေလို့ အိပ်လိုက်တာ အဲ့တာတစ်ခုခုများမှားသွားလို့လား?? အိပ်ချင်ပါတယ်ဆိုမှ မအိပ်လို့ဘာလုပ်နေရမည်နည်း။
အဲ့ဒီ့အချိန်မှာ ချင်းကွမ်းရှောင် ပန်းကန်လုံးတစ်လုံးကိုင်ပြီး မီးဖိုချောင်ထဲကထွက်လာသည်။သူမကိုင်လာတဲ့ပန်းကန်လုံးထဲမှာဘာရှိလဲဆိုတာတော့ ဘယ်သူမှမသိပါ....သူမကတော့ အလွန်ချိုသာသောလေသံလေးနှင့်ပြောရှာသည်။
"မစ္စတာဖုန်း ကျွန်မညလယ်စာစားဖို့မုန့်နည်းနည်းလောက်လုပ်လာတယ်....ရှင်နည်းနည်းလောက်မြည်းကြည့်ချင်လား......"