ဝက်အရိုးစွပ်ပြုတ်၊ ဝက်သားဟင်း၊ လှီးထားသောအသားနှင့်မျှစ်မွှေကြော်၊ ငါးဟင်း၊ အာလူးခြစ် ဤဟင်းလေးပွဲနှင့်စွပ်ပြုတ်တစ်ပွဲကို စားပွဲပေါ်မှာတင်ထားလိုက်သည်။ ထိုဆန်းပြားသောရနံ့ဟာ လေထုထဲသို့ပျံ့လွင့်သွားခဲ့ပြီး ဗိုက်ဆာနေသောကျိုးယုသည် သူ့တံတွေးကိုမမျိုချဘဲမနေနိုင်ခဲ့ချေ။

ကျိုးယုဟာအရွယ်မရောက်သေးသောကြောင့် သူ,မသောက်နိုင်ချေ။ ရှန့်ယန်ပေဟာ သူနှင့်ကုချန်းဖန်းအတွက် ဆန်အရက်ပန်းကန်လုံးအသေးတစ်လုံးစီလောင်းထည့်လိုက်သည်။

ဆန်အရက်ရဲ့အနံ့ဟာ မော်ဒန်ခေတ်ကအရက်၏အနံ့ကဲ့သို့မပြင်းပေ။ အရက်ချက်ရာတွင် ဤရှေးခေတ်ကနည်းပညာနှင့်ကျွမ်းကျင်မှုဟာ အကန့်အသတ်နှင့်ဖြစ်သည်။ kojiအရက်ချက်ခြင်းမပေါ်သေးသောကြောင့် အရက်ပါဝင်မှုနှုန်းကမမြင့်မားချေ။ ထို့ကြောင့် ရှန့်ယန်ပေဟာအရက်ကြောင့် သူ့ရဲ့ပြန်လည်ကုသနေသောခန္ဓာကိုယ် လွှမ်းမိုးမိပြီး ထိခိုက်စေမည်ကို စိတ်မပူပေ။ ဤဆန်အရက်၏အရက်ပါဝင်မှုနှုန်းသည် မော်ဒန်ခေတ်ကဘီယာနှင့်တောင်ယှဉ်မရချေ။

ငါးအသားတစ်ဖဲ့ကိုညှပ်လိုက်ပြီး ကုချန်းဖန်းရဲ့ပန်းကန်လုံးထဲထည့်ပေးရင်း ရှန့်ယန်ပေဟာကျိုးယုကိုပြောခဲ့သည် " ရေနွေးကြမ်းနဲ့ရိုးရှင်းတဲ့အစားအစာတွေဘဲရှိတယ် မင်းယဉ်ကျေးနေစရာမလိုဘူး "

" ဟုတ်ကဲ့ " ကျိုးယုဟာသူ့နောက်ကျောကိုမတ်မတ်ထားလိုက်ပြီး ထိုအနံ့မွှေးသောအသားနှင့်အသီးအရွက်ဟင်းလျာများကိုကြည့်နေခဲ့သည်။ သူ့ရဲ့ခေါင်းကမူးဝေနေပြီး သည်ဟာကအစစ်အမှန်မဟုတ်ဘူးလို့ခံစားနေရသည်။

ကုချန်းဖန်းဟာ အာလူးခြစ်တစ်ချို ့ကိုညှပ်၍ ရှန့်ယန်ပေကိုပေးကာ ရှုပ်ထွေးနေသောအသံနှင့်ပြောခဲ့သည် " ဒီတစ်ခုကအရမ်းအရသာရှိတာဘဲ ကြွပ်ကြွပ်ရွရွနဲ့လတ်ဆတ်ပြီး အရမ်းစားကောင်းတယ် " ထို့နောက် ကုချန်းဖန်း‌ဟာခေါင်းကိုငုံ့ကာ အစာကိုစားနေပြီးဘာမှမပြောတော့ချေ။

" ကောင်းပြီ " ကုချန်းဖန်းဟာလည်းပြုံးခဲ့သည်။ ဒါပေမယ့်သူ့စိတ်ထဲမှာတော့ ငရုတ်သီးရှာဖွေခြင်းကိစ္စကို မှတ်သားထားလိုက်သည်။ သူ့ရှေ့မှာအကြိမ်ပေါင်းများစွာ ငရုတ်သီးရှာဖွေခြင်းကိစ္စနှင့်ပတ်သက်ပြီး ရှန့်ယန်ပေငြီးတွားနေခဲ့သည်။သူဟာ ငရုတ်သီးကိုရှန့်ယန်ပေအရမ်းလိုချင်ရလောက်အောင်၎င်းဟာဘယ်လိုပုံစံမျိုးလဲနှင့်ဘယ်လိုအရသာရှိ‌သောဟင်းပွဲတွေကိုပြုလုပ်နိုင်လဲဆိုသည်ကို သိချင်မိသည်။

ရုတ်တရက် အရင်ကသူဂရုမစိုက်မိသော အကြောင်းအရာအသေးစိတ်တွေကသူ့မျက်လုံးထဲမှာပေါ်ထွက်လာခဲ့သည်။

" ဘာလို့မင်းတူတွေကိုမရွေ့သေးတာလဲ? အေးတဲ့အစားအစာတွေကအရသာမရှိဘူး " သူ့ရဲ့ထိတ်လန့်နေသာအမူအရာနှင့် ဂနာမငြိမ်သောအပြုအမူတွေကိုမြင်ပြီး ရှန့်ယန်ပေဟာကြင်နာစွာသတိပေးခဲ့သည်။

" ဟုတ်ကဲ့ " ကျိုးယုဟာ သူ့ရဲ့ခေါင်းကို ကြက်ကလေးအစာကောက်နေသကဲ့သို့ညိတ်ကာ နက်နက်ရှိုင်းရှိုင်းမစဉ်းစားဝံ့ခဲ့ပေ။

ရှန့်ယန်ပေနှင့်ကုချန်းဖန်း‌တို့ သူတို့ရဲ့တူကိုလှုပ်ရှားသည်အားမြင်ပြီး ထိုမှသာကျိုးယုက သူ့ရဲ့လက်ကိုထုတ်ပြီးအစားအစာတစ်ချို့ညှပ်ယူရဲသည်။ အသားကိုတိုက်ရိုက်ယူလိုက်သည်ကအရမ်းရှက်ဖွယ်ကောင်းသည်ဟုသူခံစားမိသောကြောင့် ကုချန်းဖန်းစားကောင်းတယ်ဟုပြောသောအာလူးခြစ်တစ်ချို့ကိုသာသူညှပ်ခဲ့သည်။

သူ့ပါးစပ်ထဲသို့၎င်းကိုထည့်လိုက်ပြီးပြီးချင်း ချဉ်သောအရသာဟာ သူ့ရဲ့အရသာခံဖုကိုနှိုးဆော်လိုက်ပြီး သူ့ရဲ့မျက်လုံး‌တွေဟာ တောက်ပသွားခဲ့သည်။ ထို့နောက်သူဟာပါးစပ်အပြည့်ထမင်းနှစ်လုတ်စားခဲ့သည်။

သူ့ရဲ့တူတွေကိုဒုတိယအကြိမ်ရွေ့ခဲ့ကာ သူရဲ့လက်ကိုဆန့်ထုတ်ပြီး သူ့ကိုသရေကျစေသောထိုဝက်သားဟင်းကိုယူလိုက်သည်။

ရှန့်ယန်ပေဟာ အနည်းငယ်ပြုံးခဲ့ပြီး ကျိုးယုကိုမေးလိုက်သည် " ငါတို့ကိုအဝတ်နှစ်ထည်နဲ့အိပ်ရာခင်းတစ်ချို့ကူလုပ်ပေးမယ့်တစ်ယောက်ယောက်ကို ငါတို့ရှာချင်လို့ ရွာထဲကဘယ်အဒေါ်ကလက်မှုပညာ(အဝတ်ချုပ်တာ)မှာတော်လဲမင်းသိလား? "

ဘာလို့ ဒီငါးမှာ ညှီနံ့မရှိရတာလဲ? အဲ့ဒီအစား ဒါကငန်ပြီး မွှေးရနံ့က လူတွေကိုလက်ဆန့်ထုတ်(ယူ)တာမရပ်တန့်နို‌င်လောက်အောင် တစ်နေရာလုံးပျံ့နှံ့နေရတာလဲ?

" ကောင်းပြီလေ လက်မှုပညာ(အဝတ်ချုပ်တာ)မှာကောင်းရင် သူတို့ကိုဒါအတွက်ပိုက်ဆံပိုပေးရလိမ့်မယ် " ရှန့်ယန်ပေဟာပြောပြီး ချော့မွေ့စွာကုချန်းဖန်းကို ဝက်သားဟင်းတစ်ဖက်ပေးလိုက်သည်။

ကျိုးယုဟာ သူ့ရဲ့နှလုံသားထဲတွင်အနည်းငယ်ပဟေဠိဖြစ်နေသလိုခံစားနေရသည်။ သူဟာအရင်က ရှန့်ယန် သူ့ဆရာကို ဘယ်လိုဆိုးရွားစွာဆက်ဆံခဲ့တယ်ဆိုတာ သူ့မျက်လုံးနှင့် အကြိမ်ပေါင်းများစွာမြင်ခဲ့ဖူးပေမယ့် အခုသူတို့နှစ်ယောက်စလုံးရဲ့ 'မင်းငါ့ကိုအသားပေးတယ်' နှင့် 'ငါမင်းကိုအသီးအရွက်ပြန်ပေးမယ်' ဟူသောအပြုအမူကိုကြည့်ရင်း သူတို့နှစ်ယောက်ကြားကစီးဆင်းနေသောအဆက်မပြတ်ချစ်ခြင်းမေတ္တာတွေနှင့် အဓိပ္ပာယ်ပြည့်ဝသောအကြည့်တွေကို သူမြင်နိုင်သည်။ သူဟာမကန်းပေ။ သူတို့နှစ်ယောက်ကြားကဆက်ဆံရေးက အတော်ကလေးကောင်းသည်နှင့် သူတို့မှာတစ်ယောက်ကို‌တစ်ယောက် နက်ရှိုင်းသောချစ်ခြင်းမေတ္တာများရှိသည်ဆိုတာကို သူမြင်နိုင်သည်။

သူဟာ သည်ရှန့်Xiucaiရုတ်တရက် ဘယ်လိုလုပ်အများကြီးပြောင်းလဲသွားခဲ့လဲဆိုတာကိုသူ,မသိနိုင်ပေမယ့် ဒီလိုပြောင်းလဲသွားခြင်းမျိုးက သံသယဖြစ်စရာမလိုအောင်‌ပင် လူတိုင်းအတွက်ကောင်းသည်။

ကျိုးယုဟာပြုံးခဲ့ပြီး ရှက်ရွံ့မှုကိုခံစားနေရသည်။ ထို့နောက် သူဟာအနည်းငယ်စိတ်သက်သာသွားခဲ့သည်။ အရသာရှိသောအစားအစာတွေက သူ့ရှေ့မှာရှိနေပြီး ရှန့်Xiucaiကလည်းဒီလိုပြောနေသောကြောင့် သူဘာကိုစိုးရိမ်နေရမည်နည်း? ထို့ကြောင့် ကျိုးယုဟာသူ့ရဲ့တူတွေကို တွန့်ဆုတ်ခြင်းမရှိဘဲ ဆန့်ထုတ်လိုက်ခဲ့သည်။

‌ဗလာဖြစ်နေသောပန်းကန်လုံးတွေနှင့် လုံးဝပြောင်ရှင်းနေသောဟင်းပန်ကန်ပြားတွေကိုကြည့်ပြီး ရှန့်ယန်ပေနှင့်ကုချန်းဖန်းဟာတစ်ယောက်ကိုတစ်ယောက်ကြည့်လိုက်မိသည်။ နှစ်ယောက်လုံးရယ်ရမလိုငိုရမလိုဖြစ်သွားခဲ့သည်။

သူနှင့်ကုချန်းဖန်းတို့နှစ်ယောက်လုံး သူတို့ဗိုက်အပြည့်စားသောက်ခဲ့ပြီး ကျိုးယုဟာဟင်းတွေကျန်ရှိနေသေးသည်အား မြင်သောအခါ သူဟာမထင်မှတ်ဘဲ ထမင်းကိုတိုက်ရိုက်ဟင်းထဲလောင်းထည့်ခဲ့ကာ ဟင်းမှအရည်အနှစ်တွေနှင့်အတူရောလိုက်ရင်း ၎င်းတို့အားလုံးကိုစားခဲ့သည်။

သေချာတာကတော့ အရွယ်မရောက်တရောက်ကလေးတွေက လောင်ဇီကိုမွဲတေသွားအောင်စားလိမ့်မယ်!

သူတို့စားသောက်ပြီးနောက် အနားယူဖို့အတွက်စောလွန်းနေသေးပြီး နေသည်တောင်ထိပ်ပေါ်မှာရှိနေတုန်းဖြစ်သည်။ ရှန့်ယန်ပေဟာ ကုချန်းဖန်းကို အပြင်သွားဖို့ဆွဲခေါ်ခဲ့ပြီး သူတို့ရဲ့အစာခြေခြင်းကိုအထောက်အကူဖြစ်စေရန် အချိန်တစ်ချို့လမ်းပတ်လျှောက်နေလိုက်သည်။ ရွာသို့လမ်းလျှောက်သွားရမည့်အစား သူတို့ဟာတောင်ကြောဆီသို့ လမ်းလျှောက်သွားခဲ့သည်။

" ရှန့်...... ရှန့်Xiucai " နေလောင်ခံထားရသောအမျိုးသားဟာ အဝေးမှလူနှစ်ယောက်ကို တွေ့ခဲ့ပြီး သူတို့ကိုလျင်မြန်စွာနှုတ်ဆက်ခဲ့သည်။

ရှန့်ယန်ပေဟာ အနည်းငယ်ပြုံးလိုက်ရင်း စကားတစ်ခွန်းနှင့် ပြန်ဖြေခဲ့သည် " တတိယအစ်ကိုဝူ "

တတိယအစ်ကိုဝူ၏နာမည်က ဝူရှင်းဖြစ်သည်။ သူ့ကိုဤကဲ့သို့ခေါ်ဆိုရခြင်းမှာ သူကသူ့မိသားစုမှာ တတိယအကြီးဆုံးသားဖြစ်ပြီး သဘောကောင်းသူတစ်ယောက်ဖြစ်သည်။

ဒီရက်တွေမှာ ရွာအထဲနှင့်အပြင်ကလူတွေဟာ ရှန့်မိသားစုမှဒီXiucaiနှင့်ပတ်သက်ပြီး အလွန်အတင်းအဖျင်းပြောခဲ့ကြသည်။ သူတို့တွေဟာ ဒီရှန့်Xiucaiကလူကောင်းတစ်ယောက်ဖြစ်ရုံသာမက သူ့စိတ်နေစိတ်ထားကလည်းပိုကောင်းလာတယ် လို့ပြောခဲ့ကြသည်။ သူတို့တွေသည် သူဟာနှိမ့်ချပြီး တစ်ခြားသူတွေအပေါ်ယဉ်ကျေးသိမ်မွေ့ကာ သူ့မိသားစုကဇနီးအပေါ် အလွန်အမင်းကောင်းမွန်စွာဆက်ဆံတယ် လို့ပြောခဲ့ကြသည်။ သူဟာအစက ၎င်းကိုတကယ်မယုံခဲ့ပေ။ မြစ်တွေနှင့်တောင်တွေက ပြောင်းလဲဖို့ လွယ်ကူပေမယ့် လူတစ်ယောက်ရဲ့စရိုက်(ပြောင်းလဲဖို့) ပိုပြီးခက်ခဲသည်။ ဒါပေမယ့်အခုတော့ ရှန့်Xiucaiကိုသူ့ကိုယ်ပိုင်မျက်လုံးတွေနှင့်တွေ့ပြီး သူ(ယန်ပေ)ဟာ မတူညီသောလူတစ်ယောက်ဖြစ်လာပုံ ထင်ရသည်။ သူ(ယန်ပေ)ဟာဖော်ရွေပြီး လွယ်ကူပုံပေါ်သည်။ ပြီးတော့ သူ့ကိုတောင်ပေါ့ပေါ့ပါးပါး နှုတ်ဆက်နိုင်သည်။

ဝူရှင်းဟာ သူ့ကိုယ်ပိုင်အကြည့်တွေကအလွန်အကျွံရိုင်းနေသည် ဟုလည်းခံစားခဲ့ရသောကြောင့် သူဟာထိုအကြည့်ကိုဖယ်လိုက်ကာ ပြုံးရင်းပြောခဲ့သည် " အင်း ဒါကဖြစ်သင့်တယ် ငါ့လိုမျိုးသာမန်လူတွေက အစားအစာအတွက် ဒီမြေတွေကိုသာမျှော်လင့်နိုင်ပြီး နှစ်တိုင်းရုန်းကန်နေရတယ် ..... " ထိုသို့ပြောပြီး ဝူရှင်းဟာခဏတာရပ်တန့်လိုက်ပြီးနောက် မေးခဲ့သည် " မင်းငှားထားတဲ့လယ်မြေတွေအားလုံးကို ပြန်သိမ်းလိုက်တယ်လို့ ငါတစ်ခြားသူတွေပြောတာကြားခဲ့တယ် မင်းဘာသာမင်း စိုက်ပျိုးမယ်လို့တွေးထားတာလား? "

ဝူရှင်းရဲ့ပြုံးနေသောအမူအရာဟာ ပျောက်ကွယ်သွားပြီး မျက်မျောင်တစ်ချက်ကြုတ်ကာ ကုချန်းဖန်းကိုကြည့်လိုက်သည် " မင်းမိသားစုထဲမှာလယ်မြေတွေက နည်းနည်းလေးဘဲမဟုတ်ဘူး မင်းအလုပ်မသွားရင် မင်းဇနီးက သူကိုယ်တိုင်အစေ့တွေကို ဘယ်လိုလုပ်စိုက်နိုင်မှာလဲ? "

" မင်းတစ်ယောက်ယောက်ကို လာပြီးအစေ့တွေစိုက်ပျိုးပေးဖို့မေး(ငှား)မယ်ဆိုရင် နွေဦးစိုက်ပျိုးတာကို နှောင့်နှေးပြီးလက်လွတ်မခံနဲ့ " ဝူရှင်းဂာ ပေါက်ပြားကိုသယ်ကာ သူ့ပခုံးပေါ်တင်လိုက်ပြီးနောက် ရှန့်ယန်ပေကိုမေးခဲ့သည် " မင်းမိသားစုရဲ့လယ်မြေတွေ ဘယ်မှာရှိလဲ မင်းသိလား? "

ရှန့်ယန်ပေဟာပြုံးကာ ရှက်ရွံ့စွာပြန်ဖြေခဲ့သည် " ကျွန်တော်မသိပေမယ့် ကျွန်တော်နဲ့အတူ စာချုပ်(ဂရမ်)ယူလာခဲ့တယ် "

" ဒါဆို ငါမင်းတို့နှစ်ယောက်ကိုအဲ့ဒါကြည့်ဖို့ တစ်ခေါက်၊နှစ်ခေါက်လောက် လိုက်ပြရင်ရောဘယ်လိုလဲ? " ဝူရှင်းဟာ ကျယ်ပြန့်များပြားသောလယ်ကွင်းတွေကို သူ့လက်ဖြင့်ညွှန်ပြရင်း ပြောခဲ့သည် " ငါတို့ရွာမှာ လယ်ကွင်းတွေနဲ့ လယ်မြေတွေအများကြီးရှိတယ် မင်းတစ်ခါမှဒီကိုမလာဖူးရင် မင်းရှာမတွေ့နိုင်မှာ ငါစိုးရိမ်မိတယ် "

ရှန့်ယန်ပေဟာ အလွန်ပျော်ရွှင်သွားခဲ့ပြီး ပြန်ဖြေခဲ့သည် " ဒါဆို ဒုက္ခခံပေးလို့ ကျေးဇူးတင်ပါတယ် တတိယအစ်ကိုဝူ " တစ်ယောက်ယောက်လိုက်ပတ်ပြတာက ကိုယ်ကိုယ်တိုင်သွားကြည့်တာထက် ပိုကောင်းသည်။

" ဒုက္ခမဖြစ်ပါဘူး ဒုက္ခမဖြစ်ပါဘူး " ဝူရှင်းဟာ သူ့ရဲ့လက်ကိုခါခဲ့သည်။ သူက တစ်ခြားလူတွေကို ကူညီချင်နေပေမယ့် သူ့ရဲ့ပူလောင်သောမျက်နှာကို တစ်စုံတစ်ယောက်ရဲ့အေးစက်စက်မျက်နှာနောက်မှာ ထားမှာမဟုတ်ချေ။

ရှန့်ကျားရွာဟာ မြစ်တွေနှင့်တောင်တွေရဲ့အနီးမှာတည်ရှိသည်။ တုန်းကျန်းမြစ်ဟာ မြေဆီလွှာမြေဩဇာကောင်းမွန်ပြီး အလုပ်ကြိုးစားလုပ်ကိုင်သောလူတွေ ကမ်းဘေးနှစ်ဖက်လုံးမှာနေထိုင်ကြသည်။ တုန်းကျန်းမြစ်ကမ်းစပ်အနီးမှရွာတွေဟာ စပါးစိုက်ပျိုးရန်၊ ငါးနှင့်ပုစွန်များမွေးမြူရန်တို့အတွက် မြေဆီလွှာရေသွင်းနိုင်ဖို့ တူးမြောင်းများ တူးဖော်ကြလိမ့်မည်ဖြစ်သည်။ ယေဘုယျအားဖြင့် ဤဒေသကို ငါးနှင့်ဆန်တို့ရဲ့နေရာ ဟုသိကြသည်။ ရှန့်ကျားရွာဟာ များစွာသောရွာတွေထဲမှ ရွာတစ်ရွာသာဖြစ်ပြီး ၎င်းမှာ ကြီးမားချမ်းသာသောအိမ်ထောင်စုနှင့် ကျော်ကြားသောလူတွေ မရှိသောကြောင့် အင်အားကင်းမဲ့နေသည့် ရွာတစ်ရွာလည်းဖြစ်သည်။

(T/N- ငါးနှင့်ဆန်တို့ရဲ့နေရာဆိုတာ မြေဩဇာကောင်းတဲ့နေရာ အဲ့နေရာမှာပိုပြီးသီးနှံဖြစ်ထွန်းတယ်လို့ပြောတာ)

မူလကိုယ်သည် ရှန့်ကျားရွာမှ တစ်ဦးတည်းသောXiucaiဖြစ်၍ သူတို့ဟာ သူ့ကို မျက်နှာသာအများအပြားပေးခဲ့သည်။ မူလကိုယ်ကို ပေးခဲ့သော လေးစားမှုအားလုံး မရှိတော့သည်မှာ သနားစရာပင်ဖြစ်သည်။

ရှန့်ယန်ပေ ကူးပြောင်းလာခဲ့ပြီး ခန္ဓာကိုယ်ထဲဝင်လာသောအခါ သူဟာ လူတွေကိုယဉ်ကျေးပျူငှာစွာဆက်ဆံခြင်းဖြင့် သူ့ကိုယ်သူပြုပြင်ပြီး ဤမကောင်းသောနာမည်ပျက်ကိုဖြတ်ပစ်နိုင်ရန် အပြင်းအထန်ကြိုးစားအားထုတ်ခဲ့ရသည်။ စိတ်ပျက်နေပြီဖြစ်သောရွာသားတွေဟာ ရှန့်Xiucai သူ့ရဲ့သတိပြန်ကပ်သွားသည်ကို ရုတ်တရက်နားလည်သွားခဲ့ပြီး သူ့တို့ရဲ့နှလုံးသားထဲမှာ မျှော်လင့်ချက်တွေ ထပ်မံ ကြီးထွားလာခဲ့သည်။

' လီကျားရွာကလူတွေက Jurenတစ်ယောက်ရှိတာကြောင့် အဲ့ဒီအချက်အပေါ် သူတို့ကအားကိုးပြီး တစ်ခြားလူတွေကိုအနိုင်ကျင့်ကြတယ်  ရှန့်Xiucai မင်းလဲအလုပ်ပိုကြိုးစားရမယ်နော်! '

ရှန့်ယန်ပေဟာ ရွာသားတွေရဲ့စိတ်ထဲမှ ဤကဲ့သို့အတွေးတွေအား မသိခဲ့ပေ။ သူဟာ သူ့ရှေ့က မတူညီသောလေးထောင့်ပုံပိုင်းခြားထားသည့် လယ်ကွင်းတွေကိုကြည့်ရာမှာသာ အာရုံစိုက်နေခဲ့သည်။ သူဟာ ကောင်းကင်ကမြင့်မားပြီး မြေကကျယ်ပြန့်နေသကဲ့သို့ ခံစားခဲ့ရသည်။

ရှန့်မိသားစုမှပိုင်ဆိုင်သော စပါးလယ်ဟာ မြစ်ကမ်းအနီးမှာတည်ရှိသည်။ တူးမြောင်းကို တုန်းကျန်းမြစ်မှရေတွေယူရန်နှင့် မြေဆီလွှာကိုရေသွင်းရာတွင် ပိုမိုလွယ်ကူစေရန် တူးဖော်ခဲ့သည်။ ထို့အပြင် စပါးလယ်ရှစ်မူဟာ အားလုံးအတူတကွ တည်ရှိနေသည်။ လယ်မြေဟာပြန့်ပြူးကာ မြေဆီလွှာဟာမြေဩဇာကောင်းပြီး ၎င်းသည် အမှန်ကို အရည်အသွေးမြင့်ရှားပါးသော စပါးလယ်ပင်ဖြစ်သည်။

" လယ်မြေတွေအားလုံးကို စပါးစိုက်မယ် " သူဒီနေရာကိုမလာခင်တုန်းက သူဟာစပါးစေ့တစ်မျိုးသာစိုက်ရန် စီစဉ်ထားသည်။ သို့ရာတွင် သူ စပါးလယ်ခင်း‌ပတ်ဝန်းကျင်ကို မြင်ပြီးနောက် သူ့စိတ်ထဲမှာ အကြံဉာဏ်အများအပြား ရှိလာခဲ့သည်။

ထပ်ပြီးပြောရမည်ဆိုလျှင် မူလကိုယ်ရဲ့ လက်နှစ်ဖက်ခြေထောက်နှစ်ဖက်ဟာ ပြင်းထန်သောအလုပ်တွေ မလုပ်နိုင်ကာ ကောက်ပဲသီးနှံငါးမျိုးကို မခွဲခြားနိုင်သောကြောင့် သူဟာ လယ်လုပ်ငန်းစဉ်တွေကို လုံးဝနားမလည်ခဲ့ချေ။ တတိယအစ်ကိုဝူဟာ ကျွမ်းကျင်သောလူတစ်ဦး ဖြစ်သောကြောင့် သူ့ရဲ့လမ်းညွှန်မှုကို တောင်းနေခဲ့ရခြင်းဖြစ်သည်။

ကုချန်းဖန်းဟာ နှုတ်ခမ်းထောင့်နားမှာ အပြုံးတစ်ပွင့်ရှိနေသော လူငယ်လေးကို ကြည့်နေခဲ့ပြီး တစ်ဖက်လူစကားပြောသည်ကို ဂရုတစိုက်နားထောင်နေခဲ့သည်။ သူ့နှလုံးသားဟာ လှိုင်းလုံးတွေရိုက်ခတ်နေသကဲ့သို့ ခံစားခဲ့ရသည်။

လူငယ်လေးဟာ ရိုးရှင်းပေမယ့် ကျက်သရေရှိသော အဝတ်အစားတွေကို ဝတ်ဆင်ထားခဲ့ကာ သူ့ရဲ့ပုံပန်းသွင်ပြင်က ပိန်ပါးအားနည်းပုံပေါက်ပေမယ့် မျက်လုံးတွေကတော့ သန့်ရှင်းကြည်လင်ပြီး အလင်းရောင်တောက်ပ‌နေခဲ့သည်။ သူဟာ မျက်နှာမှာ တောက်ပစွာပြုံးနေသော အမူအရာနှင့် စကားပြောနေခဲ့ပြီး သူဟာ စိတ်ဝင်စားစရာကောင်းသောအရာတစ်ခု ကြားသည့်အခါတွင် ထိုကြည်လင်သော မျက်ဝန်းတစ်စုံဟာ လင်းလက်တောက်ပသွားလိမ့်မည်ဖြစ်သည်။

သူ့(ချန်းဖန်း)မျက်လုံးထဲက တက်ကြွနေသောအလင်းရောင်ကိုဖုံးကွယ်ဖို့ သူ့မျက်တောင်တွေကိုအမြန်ချလိုက်ကာ ကုချန်းဖန်းဟာ သူ့ခေါင်းကိုလှည့်၍ ဘေးပတ်လည်ကိုကြည့်ခဲ့သည်။ သူဟာ ကောင်းကင်ကြီးတစ်ဖြည်းဖြည်း မှောင်လာပြီး လယ်ကွင်းဟာ အနည်းငယ်အေးစက်လာသည်ကို သတိထားမိခဲ့သည်။

ရှန့်ယန်ပေရဲ့ခန္ဓာကိုယ်ဟာ အားနည်းပြီး နွေဦးညဘက်တွေသည် အေးစက်မှုတွေနှင့်ပြည့်နှက်နေသည်။ ကုချန်းဖန်းဟာ သူ့ရဲ့လက်တွေကိုဆန့်ထုတ်လိုက်ပြီး အနည်းငယ်တွန့်ဆုတ်နေခြင်းမရှိဘဲ သူ့(ယန်ပေ)ရဲ့အဝတ်တွေကိုဆွဲလိုက်သည်။

" မြူမှိုင်းထတော့မယ် ပြန်လှည့်ကြရအောင် " လယ်ခင်းတွေဟာ မြစ်ရဲ့အနီးနားမှာတည်ရှိသည်။ ညဘက်၌အပူချိန်ဟာ မြူထသောကြောင့် အရမ်းနိမ့်သည်။

" အင်း ဟုတ်တယ် တော်တော်ကိုနောက်ကျနေပြီ ရှန့်ယန် မင်းအချိန်ဆွဲမနေဘဲ ပြန်တော့လေ " ဝူရှင်းဟာအလျင်အမြန် ကုချန်းဖန်းကို သဘောတူခဲ့သည်။ ထိုအချိန်‌အတောအတွင်း အပူချိန်ကျဆင်းသွားပေမယ့် သူဟာ အရမ်းနောက်ကျ‌နေပြီဆိုသည်ကို သတိမမူမိခဲ့ပေ။ အခုသူစကားပြောရပ်လိုက်သောအခါမှ သူ့အစာအိမ်သည် ဆာလောင်မှုဒဏ်ခံနေရသကဲ့သို့ ခံစားနေရသည်။

" မင်းဘာလို့ ဒီလောက်ယဉ်ကျေးနေတာလဲ? ရွာထဲကလူတိုင်းက တစ်ရွာတည်းသားချင်းတွေဘဲလေ " ဝူရှင်းဟာသူ့လက်ကို လှုပ်ခါရင်း နောက်ပြန်လှည့်ကြည့်ခြင်းမရှိဘဲ လမ်းလျှောက်အိမ်ပြန်ဖို့ လှည့်ထွက်သွားခဲ့သည်။

သူချက်ချင်း အိမ်ပြန်ပြီး သူ့မိန်းမကိုပြောရမည်။ ရှန့်Xiucaiပိုကောင်းကောင်း ပြောင်းလဲလာခြင်းကိစ္စသည် အမှန်ပင်ဖြစ်သည်။ ထို့အပြင် သူတို့ဟာအမြဲတမ်း ပညာရှိကျမ်းတွေဖတ်သော Xiucaiလူကြီးမင်းတစ်ဦးဟာ လယ်ယာစိုက်ပျိုးရေးနှင့်ပတ်သက်သော စာအုပ်အမျိုးမျိုးကို ဖတ်လိမ့်မည်မဟုတ် ဟုတွေးခဲ့ကြသည်။ လယ်ယာစိုက်ပျိုးရေးအကြောင်း ဖတ်ရှုခြင်းနှင့် လက်တွေ့လုပ်ကိုင်ခြင်း နှစ်ခုကြားတွင် ကွဲလွဲမှုတစ်ချို့ရှိနေပါသော်လည်း သူတို့ထင်ထားခဲ့သကဲ့သို့ စာပေသာသင်ကြားသော လူတစ်ဦးဟာ ကောက်ပဲသီးနှံငါးမျိုးကို ဘယ်လိုခွဲခြားရမလဲမသိသည်မျိုးတော့ ရှန့်Xiucaiက လုံးဝမဟုတ်ချေ။

ရှန့်ယန်ပေဟာ ဘေးကိုတစ်ချက်ကြည့်လိုက်ကာ ထူထပ်သောနေဝင်ဆည်းဆာသည် ထိုလူရဲ့မျက်နှာပေါ်‌ ထင်ဟပ်နေသည်အား မြင်ခဲ့သောကြောင့် နီမြန်းလာမှုကို ခွဲခြားရန် အနည်းငယ် ခက်ခဲနေခဲ့သည်။ အချိန်တိုအတွင်းမှာပင် သူ့ရဲ့ပါးစပ်ထောင့်က ကွေးညွတ်သွားခဲ့ပြီး ခဏတာပြုံးနေခဲ့သည်။

---------------------------------------------