မောင်မောင့် ချစ်ဇနီး တော်တော်ထက်
အခန်း (၁၄) ဂျေဂျေ၏ ကမ်းလှမ်းမှု
" အိုး အံ့သြစရာပဲ။ အရမ်း အရမ်းကို အံ့သြဖို့ ကောင်းပါတယ်။ " အိုင်းရစ်သည် သူရှိသည့် စားပွဲဆီသို့ ပြန်ရောက်သောအခါ သူသည် သူမအား ချီးမွမ်းခန်း ထုတ်လေသည်။ ထို့အပြင် သူမအတွက် လက်ခုပ်ပါ တီးပေးလေသည်။
" ကျေးဇူးတင်ပါတယ် မစ္စတာ ဂျေဂျေ။ " အိုင်းရစ်သည် သူ့ကို ပြုံးပြနေလေသည်။
သူမ၏ လှလှပပ ဖျော်ဖြေမှု အပြီးတွင် ဂျေဂျေ၏ ဆက်ဆံရေးသည် လူကြီးလူကောင်း ပုံစံ ပြောင်းသွားပေသည်။ သူသည် ဂီတလောကတွင် နာမည်ကျော်ကြားသူ ဖြစ်သဖြင့် အပေါ်စီးမှ ဆက်ဆံတတ်သူ ဖြစ်ပေသည်။ ယခုလို လူကြီးလူကောင်း သဖွယ် ဆက်ဆံရေးသည် ရှားရှားပါးပါး ဆက်ဆံရေး ဖြစ်လေသည်။ သူလုပ်သမျှသည် အကောင်းဆုံးသာ ဖြစ်သောကြောင့် တခြားသူများ၏ အစီအစဥ်ကို အထင်မကြီး တတ်ပေ။ ထို့ကြောင့် သူသည် ဘီလူးတစ်
ကောင်ဟု နာမည်ကြီးလေသည်။
သူ့မျက်နှာပေါ်တွင် ကိုယ်ကိုယ်ကို ဂုဏ်ယူနေသည့် အပြုံးကား ပေါ်လွင်ထင်ရှားလေ၏။ စားသောက်ဆိုင် တစ်ဆိုင်လုံး၏ အားပေးမှုကို ရရှိသည်ကား သူ့ကြောင့်ပင် မဟုတ်ပေလော။ သူသည် မိန်းကလေးကို စန္ဒယားတီး ၊ သီချင်းဆိုခိုင်းသူမှာ သူသာလျှင် ဖြစ်နေပေသည်။
သူသည် ဆုတံဆိပ်ပိုင်ရှင် ဖြစ်သည်အတိုင်း အံ့သြစရာ ကောင်းသည့် အရာကို အမှန်တကယ် ဖန်တီးသူ ဖြစ်သည် မဟုတ်ပါလော။
နောက်ဆုံးတွင် ပရိသတ်၏ ခက်ခုပ်သံ ပျောက်ကွယ်သွားလေသည်။ ဂျေဂျေ နှင့် အိုင်းရစ်တို့ကား မျက်နှာချင်းဆိုင် အနေအထားနှင့် ထိုင်ကြလေသည်။
" ဒီသီချင်းက မင်းပို့ပေးတဲ့ နမူနာထဲက မဟုတ်ဘူး။ ဒီသီချင်းရဲ့ ခေါင်းစဥ်က ဘာလဲ။ " ဂျေဂျေ က မေးလိုက်သည်။
" ဒီသီချင်းကို မင်းရဲ့ အချစ်တွေ လို့ နာမည်ပေးထားပါတယ်။ " အိုင်းရစ်က ထိုသို့ ပြန်ဖြေလိုက်လေသည်။
" အရမ်းလှတဲ့ နာမည်ပဲ။ အခုတော့ မင်းရဲ့ ဂီတ စွမ်းရည်ကို ငါ ယုံကြည်လိုက်ပါပြီ။ "
" ဒီလိုမျိုး ကြားရတာ ဝမ်းသာပါတယ် မစ္စတာ ဂျေဂျေ။ "
" ကျွန်တော် ဆုံးဖြတ်ချက် ချလိုက်ပါပြီ မိန်းကလေး အိုင်းရစ်လုံ။ မင်းကို အနုပညာရှင် တစ်ယောက်အနေနဲ့ ကျွန်တော် ကမ်းလှမ်းချင်ပါတယ်။ ကျွန်တော့် ကမ်းလှမ်းချက်ကို လက်ခံပေးနိုင်မလား။ "
" ဟုတ်ကဲ့။ " သူမသည် အပြုံးပန်းလေးနှင့် ပြန်ပြောနေ၏။ " မစ္စတာ ဂျေဂျေရဲ့ ကမ်းလှမ်းမှုကို လက်ခံပါတယ်။ ကျေးဇူးလည်း တင်ပါတယ်။ "
" ကောင်းတယ်။ " ဂျေဂျေသည် သူမထံမှ လက်ခံသ
ည့်အဖြေကို ကြားသောအခါ သူက အလွန်စိတ်ကျေနပ် လေ၏။ " မင်းနဲ့ စာချုပ်ချုပ်ဖို့ တစ်ပတ်အတွင်း ပြန်ဆက်သွယ်ပါ့မယ်။ "
" ဟုတ်ကဲ့ပါ မစ္စတာ ဂျေဂျေ။ "
သူတို့ နှစ်ဦးသည် မိနစ်အနည်းငယ်မျှ ဆွေးနွေးကြပြီးနောက် အစားအသောက်များ အတွက် ငွေရှင်းရန် ဂျေဂျေက စားပွဲထိုးကို ခေါ်လိုက်လေသည်။ အိုင်းရစ်လုံက ရှင်းမည်ဟု ပြောသော်လည်း ဂျေဂျေက ငြင်းပ်လိုက်လေသည်။
သူတို့ နှစ်ဦးသည် အလုပ်ကိစ္စနှင့် ပတ်သက်လို့ ဆွေးနွေးကြပြီးနောက် စားသောက်ဆိုင်မှ ထွက်ခွာရန် ပြင်ဆင်ကြလေသည်။ စောစောက သီချင်းသံကြောင့် ငိုခဲ့သော မုဆိုးမသည် သူတို့ဆီသို့ ရောက်ရှိလာကြသည်။ ငိုထားသော အရှိန်ကြောင့် သူမ၏ မျက်လုံးများကား နီရဲနေလေသည်။ သူမနှင့်အတူ သူမ၏ သူငယ်ချင်း သုံးယောက်တို့လည်း မတ်တပ်ရပ်နေကြသည်။
" မင်းကို စိတ်အနှောက်အယှက် ဖြစ်စေရင် တောင်းပန်ပါတယ်။ ငါ့နာမည်က ဖန်းဝမ်း ပါ။ " သူမသည် လှပသော မျက်ဝန်းတို့နှင့် မိန်းကလေး အိုင်းရစ်လုံကို ကြည့်နေလေသည်။ " ဒီနေ့ အရမ်းလှပတဲ့ သီချင်းကို သီဆိုပေးလို့ ကျေးဇူးတင်ပါတယ်။ "
အိုင်းရစ်လုံသည် ချစ်စရာ အပြုံးလေးနှင့် ခွန်းတုန့်ပြန်လေသည်။ " သီချင်းကို ကြိုက်လို့ ကျေးဇူးတင်ပါတယ် မဒမ်။ "
" အင်း မင်းနာမည်ကို သိခွင့်ရှိနိုင်မလား။ "
" ကျွန်မရဲ့ မျိုးရိုးနာမည်က လုံ ဖြစ်ပါတယ်။ "
" မင်းရဲ့ သီချင်းကို ငါအရမ်းချစ်တယ် မိန်းကလေးလုံ။ ငါအကြီးအကျယ် ငိုခဲ့ရပေမဲ့ ငါ့နှလုံးသားက ပျော်ရွှင်နေတယ်။ သီချင်းက လှပတဲ့ အမှတ်တရတွေကို ပြန်သတိရစေပါတယ်။ မင်းက အရမ်းတော်တာပဲ။ အခု ငါက မင်းရဲ့ အမာခံ ပရိသတ် ဖြစ်နေပါပြီ။ မင်းရဲ့ သီချင်းကို ပြန်နားထောင်ရဖို့ မျှော်လင့်မိပါတယ်။ "
ထိုအချိန်တွင် ဂျေဂျေက စကားဝင်ပြောလေသည်။ " စိတ်ချပါ မဒမ်။ ငါတို့ ဒီကနေ ထွက်သွားပြီးတာနဲ့ သီချင်းကို ပြန်နားထောင်ရမှာပါ။ မကြာခင်မှာ မိန်းကလေးလုံရဲ့ သီချင်းတွေ ထွက်လာမှာပါ။ "
" မင်းက ဘယ်သူလဲ။ "
သူသည် ပြုံးပြရင်း သူ၏ နာမည်ကို ပြောပြလေသည်။ " ကျွန်တော်က ဂျေဂျေပါ။ "
ဖန်းဝမ်း ၏ သူငယ်ချင်း တစ်ယောက်သည် ဂျေဂျေ ဟူသော နာမည်ကို ကြားသောအခါ အံ့သြတုန်လှုပ်သွားလေသည်။ " ငါသိတယ်။ မင်းက ဂျေဂျေနဲ့ တူတယ်လို့ ငါက ထင်နေတာ။ မင်းက တေးထုတ်လုပ်သူ ဂျေဂျေလား။ "
" ဟုတ်ကဲ့ပါ။ ကျွန်တော်ပါ ခင်ဗျာ။ " သူသည် အသိအမှတ်ပြုခံရလျှင် အမြဲတမ်း ကျေနပ်နေသူ ဖြစ်လေသည်။
သက်လတ်ပိုင်း အမျိုးသမီး တစ်စုသည် ကျောင်းသူကလေးများ အိုင်ဒေါနှင့် တွေ့ဆုံရသကဲ့သို့ အော်ဟစ်နေကြလေသည်။
" ကျေးဇူးပြုပြီး လက်မှတ်ထိုးပေးပါလား။ အိုး ကောင်မတွေ။ ငါ့ကို ထိန်းထားပါအုံး။ ငါမူးတော့မယ်။ "
" ဒီမှာ ဒီမှာ ငါ့အင်္ကျီပေါ်မှာ လက်မှတ်ထိုးပေး။ "
ဂျေဂျေသည် သူ့ကိုယ်သူ သဘောကျကာ အမျိုးသမီးများကို သူ၏ လက်မှတ်ထိုးပေး ခဲ့သည်။ ဖန်းဝမ် က မတောင်းဆိုပေမဲ့ သူက လက်မှတ် ထိုးပေးခဲ့သေးသည်။ သူမသည် သူ့ကို အသိအမှတ် မပြုခြင်းအတွက် သူက ဝန်ခံရမှာ ရှက်နေမိသည်။
အမျိုးသမီး တစ်ဦးသည် အိုင်းရစ်လုံကို စကားပြောလေသည်။ " မိန်းကလေးလုံ။ မင်းက အရမ်း ကံကောင်းတာပဲ။ မင်းရဲ့ နောက်ကွယ်မှာ မစ္စတာ ဂျေဂျေ ရှိနေလို့ မင်းတော့ နာမည်ကြီးအုံးမယ်။ "
အိုင်းရစ်ကား ပြုံးရုံသာ ပြုံးနေသော်လည်း ဂျေဂျေကတော့ အသံစွာစွာနှင့် ရယ်မောမိလေသည်။ " သူမရဲ့ တေးအယ်လ်ဘမ် ထွက်လာရင် အားပေးရမယ်နော်။ ဒီလိုမျိုး လုပ်ပေးဖို့အတွက် ခင်ဗျားတို့ကို အားကိုးပါရစေ။ "
" ဟုတ်ကဲ့။ " သူတို့၏ ပြိုင်တူအော်သံကြောင့် သူ့ကို အကြီးအကျယ် ကျေနပ်မိစေသည်။
" မိန်းကလေးလုံ။ " သူမသည် အိုင်းရစ်၏ လက်ကို ဆုပ်ကိုင် လိုက်ကာ ဆက်၍ ပြောလေသည်။ " ဒီနေ့ သီချင်း အတွက် ကျေးဇူးတင်ပါတယ်။ မင်းအောင်မြင်ဖို့ အတွက် ငါဆုတောင်းပေးနေပါမယ်။ မင်းရဲ့ သီချင်းကို နောက်တစ်ခါ နားထောင်ဖို့တောင် မစောင့်နိုင်တော့ဘူး။ ငါမင်းကို တကယ် အားပေးမှာပါ။ "
အိုင်းရစ်လည်း သူမ၏ လက်တွေကို ညင်ညင်သာသာ ပြန်ဆုပ်ကိုင်လိုက်သည်။ " ကျေးဇူးတင်ပါတယ် မဒမ်။ ဒီလိုမျိုး ကြားရလို့ အတိုင်းမသိ ဝမ်းသားမိပါ
တယ်။ "
လူတစ်စုသည် စားသောက်ဆိုင် ထဲမှ ထွက်လာကာ ဟိုတယ်၏ ဧည့်ခန်းသို့ပင် ရောက်ရှိသွားကြလေပြီ။ ထို့နောက် သူတို့သည် လမ်းခွဲကြရန် အချင်းချင်း နှုတ်ဆက်နေကြလေသည်။
ဂျေဂျေက အစည်းအဝေး ရှိသည်ဟု ပြောကာ သုတ်သုတ်ပျာပျာ နှင့် လှည့်ထွက်သွားလေသည်။
အိုင်းရစ်သည် သူမကို လာကြိုရန် ဒွန့်ဆီသို့ ဖုန်းဆက်နေလေသည်။ သူမသည် ဧည့်ခန်းရှိ ခုံတစ်ခုံတွင် ထိုင်နေကာ ဒွန်ကို စောင့်နေလေသည်။ ထိုအချိန်တွင် ယခင် သူမကြိုက်ခဲ့သည် ဝတ္ထုစာအုပ် တစ်အုပ်ကို သူမ၏ ပိုက်ဆံအိတ်ထဲမှ ထုတ်ယူလိုက်သည်။ ဝတ္ထုမူရင်း ဘာသာစကားသည် ရုရှားဘာသပင် ဖြစ်လေသည်။ ထိုဝတ္ထုသည် ဘာသာပြန်ပင် မရှိပါချေ။
ဝတ္ထု ကမ္ဘာထဲသို့ သူမ ရောက်သွားသဖြင့် ပတ်ဝန်းကျင်ကိုပင် သူမ မေ့သွားခဲ့သည်။ သန်မာ
သော လက်တစ်ဖက်က သူမ၏ ပုခုံးကို တွန်းထုတ်လိုက်လေသည်။ သူမလည်း ယောင်သွားသဖြင့် အနောက်လူကို သန်မာသော လက်သီးဖြင့် ပြန်ထိုးမိလေသည်။
အခန်း (၁၄) ပြီး။
ဘာသာပြန် ထူးထူး