မောင်မောင့် ချစ်ဇနီး တော်တော်ထက်
အခန်း (၁၆) ရုရှား အမျိုးသားတွေက ဆွဲဆောင်မှုရှိပါတယ်
အိုင်းရစ်လုံသည် သူမ၏ အမှားကို ရုတ်တရက် သတိထားမိကာ ခန္ဓကိုယ် တောင့်တင်းလာသည်။
သူမ နမော်နမဲ့ နိုင်လွန်းပေသည်။
ရုရှားဘာသာ ဂလာကထီကာ ဟူသော စကားလုံးကို ရုတ်တရက်တွေ့သဖြင့် သူမ စိတ်ဝင်စားသွားကာ စိတ်မထိန်းနိုင်တော့ဘဲ ဖိုင်တွဲကို ယူဖတ်မိလေသည်။ ဤကုမ္ပဏီသည် သူမ၏ ယခင် ဘဝနှင့် ရင်းနှီးခဲ့လေသည်။
ယခုတွင် သူမ ဘာလုပ်သင့်သနည်း။
သူမ၏ အမူအရာကို နောက်ပြောင်သည့် ပုံစံနှင့် ပြောင်းလဲလိုက်ပေသည်။ " ကျွန်မက ဒီလိုပဲ လျှောက်ဖတ်ကြည့်တာပါ။ ရှင်က ကျွန်မကို ယုံလား။ "
သူ့မျက်လုံးများသည် မှေးစက်လာပြီး သူမကို လေ့လာနေကာ သံသယ အကြည့်နှင့် ကြည့်နေလေသည်။
" တခြားသူတွေ ပြောတဲ့ စကားတွေကို အမြဲတမ်း ယုံကြည်ပါသလား မစ္စတာ ကျင်း။ ကျင်း ကော်ပိုရေးရှင်းရဲ့ ဥက္ကဋ္ဌ-စီအီးအိုကို ကျွန်မက ဒါထက်မက ပိုပြီးမျှော်လင့်ပါတယ်။ "
သူက ဒေါသ ထွက်သွားသည်။
" နှုတ်ဆက်ခဲ့ပါတယ် မစ္စတာကျင်း။ " သူမသည် ဖိုင်တွဲကို သူ့ရင်ဘတ်ဆီ ပစ်ပေါက်လိုက်ပြီး သူမ၏ စာအုပ်ကို ဆတ်ကနဲ ဆွဲယူလိုက်သည်။ ထို့နောက်
ဆိုဖာပေါ်တွင် ရှိနေသော ပိုက်ဆံအိတ်ကို သူမ လှမ်းယူလိုက်သည်။
သူမ ထွက်သွားခါနီးတွင် သူသည် သူမ၏ လက်ကို ဖမ်းဆုပ်လိုက်သည်။ သူ၏ လက်ချောင်းများသည် သူမ၏ လက်မောင်းကို တင်းတင်းကြပ်ကြပ် ဆုပ်ထားကာ သူမကို ထွက်သွားခွင့် မပြုပေ။
"နေအုံး။"
သူမသည် သက်ပြင်း ချလိုက်ပြီး သူ့ကို အေးစက်စက် မျက်လုံးနှင့် ကြည့်လေသည်။ " ရှင်က တော်တော်ရိုင်းပါလား မစ္စတာ ကျင်း။ "
" မင်းက ရုရှားစာကို တကယ်ဘဲ ဖတ်တတ်တာလား။ "
သူမက ခဏမျှ စဥ်းစားပြီး အမှန်အတိုင်းသာ ဖွင့်ပြောရန် သူမ ဆုံးဖြတ်လိုက်လေသည်။ သူ ယုံသည် ဖြစ်စေ မယုံသည် ဖြစ်စေ သူမနှင့် မဆိုင်တော့ပေ။ " ဟုတ်တယ်။ "
" ဘယ်လို ဖတ်တတ်တာလဲ။ ဘယ်အချိန် ကတည်းကလဲ။ "
" အားတဲ့ အချိန်မှာ တစ်ယောက်ထဲ လေ့လာခဲ့တာပါ။ "
" ဘာလို့ လေ့လာခဲ့တာလဲ။ "
ဒေါသထွက်သဖြင့် သူမ ကြိုးစားရုန်းသော်လည်း သူက တင်းတင်းကြပ်ကြပ် ဆုပ်ကိုင်ထားသည်။ သူမသည် မျက်နှာကျက်ကို ကြည့်ပြီး စိတ်ကို တည်ငြိမ်အောင် ထိန်းထားလေသည်။
ဆုပ်ကိုင်သော သူ့လက်၏ အနွေးဓာတ်ကြောင့် သူမ၏ နှလုံးခုန်သံကား ပို၍ မြန်လာလေသည်။ သူက ရန်သူဖြစ်နေသည်ကို သံသယ ဝင်စရာတောင် မလိုတော့ပေ။ သူ့ခန္ဓာကိုယ်သည် သူနှင့် ခပ်ဝေးဝေးမှာ နေဖို့ သတိပေးနေခြင်း ဖြစ်လေသည်။ ဤအရာသည် သူမ၏ ရန်ပွဲ ဗီဇပင် ဖြစ်လေသည်။ သူမ၏ နှလုံးခုန်သံကား အဘယ်ကြောင့် ပို၍ မြန်လာရသနည်း။
" မင်းက ရုရှား ဘာသာစကားကို ဘာကြောင့် သင်ယူခဲ့တာလဲ။ " သူက နောက်တစ်ခါ ပြန်၍ မေးလေသည်။
" ဘာဖြစ်လို့လဲ ဆိုတော့ ရုရှားကောင်လေးတစ်
ယောက်ကို ဆွဲစားမလို့ပါ။ ရုရှားကောင်တွေက ဆွဲဆောင်မှု ရှိတာကို ရှင်က မသိဘူးလား။ "
သူဒေါသ ထွက်သွားလေသည်။
သူမ၏ ဖုန်းသံ မြည်လာသည်။ ကျေးဇူးကြီးလှပါ၏ ဘုရားသခင်။
" ကျွန်မကို လွှတ်ပေးလို့ ရမလား မစ္စတာ ကျင်း။ ကျွန်မ ဖုန်ပြောဖို့ လိုတယ်။ "
ထိုနောက် သူသည် သူမ၏ လက်ကို လွတ်လိုက်လေသည်။
သူမသည် ပိုက်ဆံအိတ်ကို ဖွင့်ပြီး ဖုန်းကို ယူလိုက်လေသည်။
" ဟယ်လို။ ဒွန်လား...မင်းက အခု အပြင်ကို ရောက်နေပြီ။ အင်း။ ငါ အခုလာခဲ့မယ်။ " သူမသည် ဖုန်းကို ချလိုက်ပြီး ကျင်းလိဝေ ကို စိုက်ကြည့်လိုက်သည်။
သူသည် သူမကို နားမလည် နိုင်သည့် မျက်လုံးနှင့် ကြည့်လေသည်။ သူ၏ အကြည့်ကြောင့် သူသည် အန္တရာယ် ရှိနေနိုင်ပေသည်။
သူသည် သူမ အနားသို့ ချဥ်းကပ်လာပြီး တိုးတိုးလေး ပြောလေသည်။ " မင်းက စွဲမက်ဖွယ် ကောင်းလာတာကိုတော့ ငါဝန်ခံပါတယ် လုံရှိုးလန်။ မင်းရဲ့ ပြောင်းလဲခြင်းက အစစ်လား အတုလားဆိုတာကို ငါဂရု မစိုက်ဘူး။ မင်းကို သတိပေးလိုက်မယ်။ ငါ့ညီနဲ့ ဝေးဝေးမှာနေပါ။ "
သူဆိုလိုသည်က ကျင်းချုံးလင် လား။
သူမ၏ မှတ်ဉာဏ်အရ မူရင်း အိုင်းရစ်သည် ကျင်းချုံးလင် ၏ နောက်ကို လိုက်ရခြင်းမှာ အနုပညာရှင် အကျော်အမော် တစ်ဦး ဖြစ်သောကြောင့်ပင်တည်းး။ အာရှတစ်ဝှမ်းရှိ သူ၏ ပရိသတ်တို့သည် စစ်ပွဲတိုင်းကို အနိုင်ရသည့် စစ်တပ်နှင့် တူနေလေသည်။
မူရင်း အိုင်းရစ်လုံ၏ အတွေးထဲတွင်း စူပါစတား တစ်ဥိီးနှင့် သူငယ်ချင်း ဖြစ်လျှင် သူမ၏ နာမည်ကြီး
ခြင်း အတွက် အထောက်အကူ ဖြစ်စေရန်သာ ဖြစ်ပေသည်။
သို့သော် ကျင်းချုံးလင် သည် သူမအား ရှောင်နေသည်ကို အိုင်းရစ်လုံက သတိမထားမိခြင်း ဖြစ်လေသည်။ ထို့အပြင် ကျင်းချုံးလင် ကို နောက်ယေင်ခံရန် လူတစ်ယောက်ကို စေလွှတ်ထားကာ သူနှင့် သူငယ်ချင်းဖြစ်ရန် သူမ အချိန်နှစ်ဆတိုးပြီး ကြိုးစားခဲ့လေသည်။
ထိုအချက်တွေကြောင့် အိုင်းရစ်က ရုတ်တရက် မောပန်းလာပြီး သက်ပြင်းချလိုက်လေသည်။ " ဒီကိစ္စ အတွက်ဆိုရင်တော့ ဘာမှ မစိုးရိမ်ပါနဲ့ မစ္စကျင်း။ ရှင့်ရဲ့ညီကို ကျွန်မက စိတ်မဝင်စားပါဘူး။ "
ကျင်းလိဝေက မဲ့ပြုံးပြုံးရင်း ပြန်ပြောလိုက်လေသည်။ " မင်းကို ဘယ်လို ယုံရမလဲ။ "
" ရှင်မကို ယုံတာ မယုံတာကို ကျွန်မ ဂရုမစိုက်ဘူး။ ရှင်က ရိုင်းစိုင်းတဲ့သူ ဖြစ်တာကြောင့် ရှင့်ကို နောက်တစ်ခါ ပြန်မတွေ့ချင်ပါဘူး။ "
" အိုး။ ဒါပေမဲ့ အခုအချိန်ကစပြီး မင်းနဲ့ငါ ခဏခဏ ဆုံရတော့မယ်ထင်တယ်။ လုံရှိုးလန်။ မင်က စိတ်ဝင်စားဖို့ ကောင်းတယ်ဆိုတာ ငါမသိခဲ့ဘူး။ ငါ့ညီနဲ့ ဝေးဝေးမှာ နေသရွေ့တော့ မင်းနဲ့ နောက်တစ်ခါ ထပ်တွေ့ရင်လည်း ငါ့ဘက်က အေးဆေးပဲ။ " သူ၏ မျက်လုံးထဲတွင် ကြည်နူးမှုတို့က အူမြူးနေလေသည်။
သူမသည် ပါးစပ်ကို ဖွင့်ပြီးနောက် ပြန်ပိတ်လိုက်လေသည်။ သူမ ဘာမျှပြောမထွက်ပေ။ တစ်ခြားလူ တစ်ဦးကြောင့် စိတ်အနှောက်အယှက် မဖြစ်ဘူးပေ။
သူမ၏ ဦးခေါင်းကား ချက်ခြင်းနာကျင်လေသည်။
သူ့ကို ဘာမျှမပြောဘဲ သူမသည် ဟိုတယ်မှ ချက်ချင်း လှည့်ထွက်သွားလေသည်။
ကျင်းလိဝေသည် စိတ်ဆိုးပြီး ယုန်တစ်ကောင်လို ပြေးထွက်သွားသည့် သူမကို ကြည့်နေသည်။ သူမ၏ ပုံစံသည် ချစ်စရာ ကောင်းလွန်းလှသည်။
သူမကို နောက်တစ်ခါ ထပ်တွေ့ချင်သည့် စိတ်ကို သူ မထိန်းနိုင်တော့ပေ။ ထိုအတွေးကြောင့် သူ့ကိုယ်သူ မယုံကြည်နိုင် ဖြစ်နေသည်။ ထို့နောက် ခါတိုင်းလို အေးစက်စက် အမူအယာ နှင့် နေတတ်သည့် ပုံစံကို သူ ပြန်သတိထားမိလေသည်။
သူ့ဖုန်းသံ မြည်လာသည်။ ဖုန်းဆက်သူမှာ ရွှီးထျန်း သာ ဖြစ်လေသည်။ သူသည် ဟိုတယ် အပြင်ဘက်သို့ ရောက်နေပြီ ဖြစ်ကြောင့် ကျင်းလိဝေအား အကြောင်းကြားခြင်း ဖြစ်လေသည်။ သူသည် ဟိုတယ်ထဲမှ ထွက်လာပြီး စောင့်နေသည့် ကားဆီသို့ လျှောက်သွားလေသည်။ ရွှီးထျန်း က သူ့အတွက် ကားတံခါးကို ဖွင့်ပေးလိုက်သည်။
ကားကို မောင်းထွက်သွားစဥ် ကျင်းလိဝေက ရွှီးထျန်း ကို တာဝန်တစ်ခု ပေးလိုက်လေသည်။ " ဂလာကထီကာ နဲ့ ပတ်သက်လို့ အသေးစိတ် ပြန်စုံစမ်းပါ။ "
" နားလည်ပါပြီ။ " စက္ကန့်အနည်းငယ် ကြာသောအခါ သူသည် ကျင်းလိဝေကို ပြန်မေးလေသည်။ " အကြောင်းပြချက်ကို မေးလို့ရမလား ဥက္ကဋ္ဌ။ အရင်
ကလည်း ဂလာကထီယာကို အသေးစိတ် စစ်ဆေးပြီးပါပြီ။ သူတို့က ပစ်ချက်ကင်းပါတယ်။ "
" ဒီတစ်ခါတော့ လက်နက်မှောင်ခို ၊ ပြည့်တန်ဆာလုပ်ငန်း ဒါမှမဟုတ် လူကုန်ကူးမှုတွေနဲ့ ဆက်နွယ်မှု ရှိမရှိ စစ်ဆေးပါ။ အရင်တစ်ခါ စစ်ဆေးတာ ဒါတွေမပါခဲ့ဘူး။ "
မိစိတ်တို ကောင်မလေးကို သူက သိပ်မယုံသော်လည်း သူသည် ပြီးပြည့်စုံသော လူတစ်ဦး ဖြစ်လေသည်။ သူက တစ်ခုခုကို သံသယရှိလျှင် အဖြေမထွက်မခြင်း စုံစမ်းလေတော့သည်။ ဝမ်းနည်းခြင်းထက် လုံခြုံခြင်းက ပို၍ ကောင်းပေသည်။
ရွှီးထျန်း က မျက်လုံး ပြူးကျယ် သွားလေသည်။ သူ ကားမောင်း ကျွမ်းကျင်ခြင်းကြောင့်ပင် ၊ မဟုတ်လျှင် ကားတိုက်မှု ဖြစ်သွားနိုင်ပေသည်။
" မင်းအတွက်လိုအပ်ရင် မှောင်ခိုစျေးကွက်မှာ သတင်းတွေကို ဝယ်ပါ။ "
" နားလည်ပါပြီ ဥက္ကဋ္ဌ။ "
အခန်း (၁၆) ပြီး။
ဘာသာပြန် ထူးထူး။