Chapter 35

ဤသည်မှာ လူကြီးတွေထံမှ ဟာသ သာဖြစ်ပေ၏။

နောက်ပိုင်းတွင် ကုမိသားစုကုမ္ပဏီ၏တန်ဖိုးသည် ဘီလီယံများစွာအထိ မြင့်တက်လာခဲ့ပြီး ဒေသတွင်းတွင် ထိပ်တန်းစီးပွားရေးလုပ်ငန်းများထဲမှ တစ်ခုဖြစ်လာခဲ့သည်။

ထိုအတောအတွင်း အဖေရှန်း ဟာ သာမာန်လူချမ်းသာတစ်ဦးမျှသာဖြစ်ပြီး စတော့ရှယ်ယာများနှင့် ရင်းနှီးမြှုပ်နှံမှုများတွင် မှန်းဆတာဖြစ်လို့ စစ်မှန်သောစီးပွားရေးဆိုင်ရာ ပိုင်ဆိုင်မှုမရှိပေ။

သူတို့ကြားရှိ ကွာဟချက်ဟာ ပိုကျယ်လာတဲ့အတွက် ဘယ်သူကမှ အလေးအနက်မထားတော့ဘူး။

သူ က အွန်လိုင်းတွင် ပေါ့ပေါ့တန်တန် ဖော်ပြခဲ့သော်လည်း အင်တာနက်သုံးစွဲသူများ သည် ဤအသေးစိတ်အချက်အလက်များအားလုံးကို တစ်နည်းနည်းဖြင့် တူးဖော်ခဲ့ကြသည်။

ဤတိုက်ရိုက်ထုတ်လွှင့်မှုပြီးနောက် အဖေရှန်း ဟာ မူးဝေနေသည့်တိုင်အောင် သူ့ကို "အင်တာနက်ဖေဖေ’ဟု ချစ်ခင်စွာ ခေါ်ဝေါ်သော အင်တာနက်သားသမီးများစွာကို ရရှိခဲ့သည်။

အဖေရှန်း သည် အင်တာနက်ကျော်ကြားသူဖြစ်လာရန် အိပ်မက်မက်ခဲ့သည်။

အင်တာနက်အသုံးပြုသူအများအပြား က သူ၏အကောင့်ဟောင်းကို ရှာဖွေခဲ့ကြသည်။ သူသည် အကောင့်တစ်ခု ကို ၅ နှစ်ကြာလည်ပတ်နေပြီး ဗီဒီယိုပေါင်း ၂၀၀၀ ကျော် တင်ထားသည်။

သို့သော် အများစုကတော့ သီချင်းဟောင်း လင့်ခ်များကို ပြန်တင်ထားခြင်းဖြစ်သည်။ မူကြိုကျောင်းနှင့် ပတ်သက်သည့် အကြောင်းအရာများကို အင်တာနက်အသုံးပြုသူများ မှတ်ချက်ပေးမှသာ အဖေရှန်း က မူကြိုကျောင်းနှင့် ပတ်သတ်သည့် အကြောင်းအရာကို ပို့စ်တင်မှာ ဖြစ်၏။

သူ၏follower များ က ၁၀၀ရာမှ ၅၀,၀၀၀ ကျော်အထိ တိုးလာခဲ့သည်။

အဖေရှန်း အရမ်းပျော်သွားတယ်။

သူ ပိုလို့တောင် အလုပ်ကြိုးစားခဲ့၏။

သူ သည် ဗီဒီယိုရိုက်ရန်အတွက် နေ့စဥ်နှင့်အမျှ အမေရှန်း အား များစွာပမာဏသုံး၍ ငှားရမ်းခဲ့သည်။

သူ မူကြိုကျောင်းမှာ ထမင်း၅ပန်းကန် စားခဲ့၏။

အွန်လိုင်းမှာ တင်တဲ့အခါ အားလုံး အံ့ဩသွားကြတယ်။

သူ ဘယ်လိုစားလဲဆိုတာကို ကြည့်ရုံနဲ့ အစားအသောက်က ဘယ်လောက်အရသာရှိလဲဆိုတာ သိနိုင်တယ်။

သူ့အသက်အရွယ်နဲ့ ထမင်း၅ ပန်းကန် စားတယ်!

ထမင်းမကျန်တော့တဲ့အခါ အဖေရှန်း က မကျေမနပ်ဖြစ်နေပေမယ့် နံရံကိုမှီထား၍ အင်တာနက်အသုံးပြုသူတွေ ပြောနိုင်လေသည်။

စားဖိုမှူးလျို က ဘာလို့ ထမင်းထပ်မချက်သလဲကို အင်တာနက်အသုံးပြုမူများ နောက်ဆုံးတော့ နားလည်သွားခဲ့ပြီ။ တစ်စုံတစ်ယောက် ဗိုက်ပေါက်ကွဲမှာ စိုးလို့ ဖြစ်၏။

ပေါင်းပင်တွေပေါက်ပြီး လယ်ကွင်းတွေမှာ အလုပ်လုပ်နေတဲ့ သူရဲ့ ဗီဒီယိုတွေလည်း ရှိခဲ့တယ်။

ဗီဒီယိုများတွင် သူ ဟာ အလွန်တရာ ဂရုမစိုက်ဘဲ ချမ်းသာသော မိသားစုမှ ဖြစ်သည်ဟု မည်သူမျှ ခန့်မှန်းမိမည်မဟုတ်ပေ။ သူ က တခြားသူတွေရဲ့ အဖေလိုပဲ အခြားသီးနှံများ စိုက်ပျိုးနေဆဲဖြစ်သည်။

ခရမ်းချဥ်သီးတွေ ဟာ ပန်းရောင်ဖျော့ဖျော့ပြောင်းသွားပြီ ဖြစ်၏။

သူ က တစ်လုံးကို ဆွတ်၍ စားသည်။- အခွံပါးပြီး အရသာရှိတဲ့ ခရမ်းချဥ်သီးကို တစ်ခါမှ မမြည်းစမ်းဖူးဘူးလို့ ကြွေးကြော်ခဲ့တယ်။

အင်တာနက်သုံးစွဲသူတွေ ဟာ သူ့ရဲ့ဗီဒီယိုလေးတွေကို နေ့တိုင်းကြည့်တယ်။ ပထမတော့ ချဲ့ကားတယ်လို့ ထင်ကြတယ်။

သူဌေးတစ်ယောက်အနေနဲ့ အစားကောင်းမစားဖူးပဲ ဘယ်နေမှာလဲ?

ခရမ်းချဥ်သီးကို ဒီလို ရူပ်ထွေးအောင် တကယ်ပဲ လုပ်နေတလား?

သို့သော်ခရမ်းချဥ်သီးအစေ့များသည် စနစ်မှလာသောကြောင့် သူ အမှန်အတိုင်းပြောနေမှန်း ရှန်းဝေ သာသိသည်။

အရသာကို အကြိမ်ပေါင်း ရာနှင့်ချီ သန့်စင်ထားပြီး အရသာရှိရုံသာမက အထွက်နှုန်းလည်း မြင့်မားသည်။စပျစ်နွယ်ပင်တစ်ပင်မှာ ခရမ်းချဥ်သီးများစွာ တင်ဆောင်ထားသဖြင့် အကိုင်းအခက် ကျိုးလုနီးပါး ဖြစ်နေသည်။ ဒီအတိုင်း ခူးဆွတ်သည့်တိုင် ကြီးထွားနေဆဲ ဖြစ်သည်။

ပုဇွန်ကို မျက်စိစုံမှိတ်ခံစားရင်း ကလေးတွေဟာ ပြေးလွှားလိုက်ဖမ်းကြလျက် သူ့အား ‘ဘိုးဘိုး’ ဟု ခေါ်ဆိုခဲ့ကြသည်။

အဖေရှန်း က သူတို့ကို ချစ်မှန်းသိတာကြောင့် သူတို့ကလည်း အဖေရှန်းနဲ့ကစားရတာ သဘောကျတယ်။ သူ့ကို ‘ဘိုးဘိုး’ ဟု ခေါ်ကြသည်။

စားဖိုမှူးလျို က ဤကလေးများကို အဘယ်ကြောင့် ဤမျှလောက်ထိချစ်မြတ်နိုးမှန်း သူ နောက်ဆုံး နားလည်သွားသည်။

ချိုမြိန်သောအသံဖြင့် အဘိုးဟုခေါ်သော နူးညံ့သိမ်မွေ့သော ကလေးငယ်များကြောင့် ခံနိုင်ရည်မရှိတော့ပဲ နှလုံးသား မှ, လုံးဝ အရည်ပျော်သွားသည်။

အဖေရှန်း က ရှန်းဝေ အား မူကြိုကျောင်းကို ကောင်းကောင်းလုပ်ပတ်ဖို့နဲ့ သူ ဘယ်လောက်တောင် သဘောကျနေသလဲကို အထပ်အထပ်အခါခါ ထုတ်ပြခဲ့တယ်!

သူ့ပံ့ပိုးမှူ ဘယ်လိုပြသရမလဲ မသိတာကြောင့် ရှန်းဝေ ထံ ယွမ်သန်း၃၀ လွှဲပေးခဲ့သည်။

သူ သည် ရှိနေသော ငွေအားလုံးကို ရှန်းဝေ ထံ ပေးခဲ့သည်။ အဖေရှန်း၏ဆိုရှယ်မီဒီယာပို့စ်များနှင့် အွန်လိုင်းပို့စ်များသည် တူညီသည်။

ယခင်က လျစ်လျူရှုခံထားရသော ပို့စ်များသည် ယခုအချိန်တွင် တစ်ခုလျှင် Like၁၀၀ ကျော် ရရှိထားပြီး တုံ့ပြန်ရန် မှတ်ချက်များ များပြားလွန်းသည်။

အဖေရှန်း၏ဖုန်း က နေ့တိုင်းအသံထွက်နေခဲ့သည်။

သူ့ကို နှိမ့်ချခဲ့ဖူးတဲ့ ချမ်းသာတဲ့ သူဌေးတချို့တောင်မှ အခု မနာလိုတဲ့ လေသံနဲ့ ပြောလာခဲ့သည်။- “လောင်ရှန်း မင်းကတော့ တစ်ခုခုပဲ၊ ကိုယ့်မြေးကိုယ် ချီရမှာလေကွာ!”

သားသမီးတွေတောင် ချိန်းမတွေ့ကြတာ ကလေးချီရဖို့ဆိုတာ သူတို့အတွက် အဝေးကြီးမှာ ရှိသေးသည်။

အဖေရှန်း ဟာ သူတို့အောက်ခြေမှာ ရှိခဲ့ဖူးသော်လည်း ယခုအခါ ရုတ်တရက် ဘဝမှာ အောင်နိုင်သူဖြစ်လာခဲ့သည်။

ကလေးတွေအားလုံးက သူ့ကို ချစ်ခင်ကြပြီး အဲဒါအပြင် နားမလည်နိုင်လောက်အောင် မနာလိုဖြစ်စေတဲ့ ဗီဒီယိုတွေကိုလည်း ဖန်တီးခဲ့တယ်။

ဂေါက်ကစားတဲ့နှစ်တွေအားလုံးက စိတ်ဝင်စားစရာမဟုတ်ဘူးလို့ သူတို့ ရုတ်တရက် ခံစားလိုက်ရတယ်။

အပျော်မြင်းစီးခြင်းနဲ့တခြားအရာတွေအတူတူပဲ၊ ပျော်ဖို့မကောင်းတော့ဘူး။

ပေါင်းပင်တွေနဲ့ လယ်ထွန်ယက်တာလောက် ပျော်စရာမကောင်းဘူး။

ချမ်းသာတဲ့သူတွေက ပြောကြသည်။ "မင်း ဘာလို့ ခြံမဖွင့်တာလဲ?”

ဒါမှလည်း သူတို့ တွေ့ကြုံခံစားနိုင်မှာလေ။

မူကြိုကျောင်းမှာ သူတို့ကိုယ်သူတို့ ပျော်ပျော်ပါးပါး မနေနိုင်ကြပေမယ့် ဒီလိုမျိုး ဖွင့်လိုက်ရင် သူတို့လည်း ပျော်ပါးနိုင်လိမ့်မယ်။

“ငါ့မှာ ပိုက်ဆံနဲ့ အချိန်မရှိဘူး” သူ့ပိုက်ဆံတွေအကုန်လုံး က သူ့သမီး ဆီ ရောက်သွားပြီ။

အဖေရှန်း က ဒီလောက်ကြီးပွင့်လင်းလိမ့်မယ်လို့ တခြားသူများ မမျှော်လင့်ထားကြဘူး။ “ငါ့မှာ ပိုက်ဆံရှိတယ်၊ မင်း ဒါကို ဦးဆောင်ဖို့ပဲလိုတယ်”

အဖေရှန်း က "သူများလယ်ကွင်းတွေ အများကြီးရှိတာပဲဟာ”

“အဲဒီခြံတွေက ဝင်လို့မရဘူး။ အကုန်လုံးက စီးပွားရေးအတွက်ချည်းပဲ”

သူတို့ အမှန်တကယ် လိုချင်တာက သီးသန့်ကလပ်လို အရာမျိုးဖြစ်ပြီး သူတို့ရဲ့ဆန္ဒ ကို ဖြည့်ဆည်းချင်ရုံပင်။

ဒီလို ချမ်းသာတဲ့သူတွေက သာမန်ပြည်သူတွေနဲ့ မပေါင်းချင်ဘူး။

ဒါကိုကြားတော့ အဖေရှန်း သူတို့ရဲ့ ရည်ရွယ်ချက်တွေကို ချက်ချင်းနားလည်သွားတယ်။ သူ က စိတ်မရှည်မှုတချို့ဖြင့် ပြောလိုက်သည်။ “ငါ မလုပ်နိုင်ဘူး”

သူတို့မှာ လိုအပ်ချက်တွေ အများကြီးရှိတာကြောင့် တခြားသူကို ဦးဆောင်ခိုင်းမယ့်အစား သူတို့ကိုယ်တိုင်လည်း လုပ်နိုင်တယ်။ သူ ဘာလို့လုပ်ပေးရမှာလဲ?

ရှန်းဝေ၏စေ့စပ်သူဟောင်း၊ ကုချင်းရန် သည် ဖော်ထုတ်ခံခဲ့ရ၏။

သူက ရိုးရိုးရှင်းရှင်းလေးနဲ့ အရမ်းချောတဲ့အပြင် သူ့ရဲ့ကိုယ်ရေးကိုယ်တာအကောင့် က ပရိတ်သတ်တော်တော်များများ၏ဆွဲဆောင်ခြင်းခံခဲ့ရပြီး တစ်ချို့က ကလေးမွေးဖို့တောင် တိုက်တွန်းခဲ့ကြတယ်!

ရှန်းဝေ က သိပ်လှတယ်၊ သူမ၏စေ့စပ်သူဟောင်း က အခုလိုပုံစံဆိုတော့-သူတို့ရဲ့ သားသမီးတွေ ဘယ်လောက်တောင် ချစ်စရာကောင်းလိမ့်မလဲ?

ကုမိသားစု၏သခင်လေး ဟာ အင်တာနက်သုံးစွဲသူများ မှ ယခုလို အလျင်စလိုဖြစ်မည်ဟု ဘယ်တုန်းကမှ မမျှော်လင့်ထားပေ။

သူနဲ့သူမ က ချိန်းတွေ့တာမျိုးတောင် လုပ်ဖူးသေးပဲ ကလေးမွေးဖို့ ပြောနေကြပြီ။

သူ့အသက်ငယ်ငယ်ကတည်း က ဒီလိုအဖြစ်အပျက်မျိုး တစ်ခါမှ မကြုံဖူးဘူး။ ဖန်သားပြင်ကို ကြည့်ရင်း သူ့မျက်နှာ မှာ ရဲတက်နေ၏။

ကုချင်းရန်၏ ရင်းနှီးသော သူငယ်ချင်းများကပင် သူ့ထံ ဖုန်းဆက်၍ ပြောခဲ့သည်။ “မင်း ငါတို့ကို မပြောပဲ ရည်းစားထားတယ်ပေါ့လေ၊ လျှို့ဝှက်လွန်းတယ်"

“မင်း တကယ် ဘာဖြစ်နေမှန်း မသိလို့၊ နားလည်မှုလွဲနေတာဟ”

"အသေးစိတ်တော့ မသိဘူး၊ ဒါပေမယ့် သူမ က အရမ်းလှတာနော်၊ မင်း လိုက်ပါစီးမြောလို့ရတယ်!"

"ထွက်သွား" သူ ဖုန်းချလိုက်သည်။

ကုမိသားစုမှ သခင်လေး သည် နားမလည်နိုင်စွာ စိတ်ရှုပ်သွားသည်။

ထို့နောက်တွင် သူသည် အင်တာနက်ကိုဖွင့်လိုက်ရာ လူများစွာ က သူ့ကို ချက်ခြင်းပင် တရစပ်ပြောနေသောကြောင့် ‘သူ ဆိုက်ဘာအနိုင်ကျင့်ခံရတယ်’ လို့တောင် ထင်သွားရသည်။

နောက်ဆုံးသတိပေးချက်တွေကို ဖွင့်ကြည့်လိုက်တော့ အရင်တုန်းက ဘားတစ်ခုမှာ မိန်းကလေးတစ်ယောက်နဲ့ အပျော်ရှိနေခဲ့သည့် သူ့ဓာတ်ပုံကို မြင်လိုက်ရတယ်။

ဆူညံနေသော ဘားပတ်ဝန်းကျင်တွင် အချင်းချင်း စကားပြောသံကြားရန် နီးကပ်စွာ ယိုင်ကျနေ၏။

သူတို့ပြောတာကိုတောင် မမှတ်မိပေမယ့် ဓာတ်ပုံက သူတို့ကြားထဲမှာ တစ်ခုခုဖြစ်သွားပုံဟု မြင်ပေလိမ့်မည်။

အင်တာနက်အသုံးပြုတွေဟာ သူ့ကို သစ္စာမရှိဘူးလို့ ဆဲဆိုကြတယ်!

ကုချင်းရန်၏အပြုံးမှာ အေးခဲသွား၏။ ဒေါသလည်းထွက်သလို အရှက်ရသွား၏။

အင်တာနက်သုံးစွဲသူတွေ က ဘာကိုဆိုလိုတာလဲ?

သူ ရှန်းဝေ ကိုတောင် မသိဘူးလေ။

သူ ဘာများ သစ္စာကင်းမဲ့နေလို့လား? သူသည် ဤနှစ်များတစ်လျှောက်လုံး အလွန်သစ္စာရှိခဲ့ပြီး ချိန်းတွေ့ခြင်းပင် မရှိခဲ့ပေ။

သူ၏ WeChat သည် ဤဖော်ပြမှုများဖြင့် ပြည့်နှက်နေပြီး သူ့သူငယ်ချင်းများ က ခေါင်းငုံ့ကာ ရယ်မောနေပြီဆိုတာ စိတ်ကူးနိုင်သည်။

ကုချင်းရန်အတွက် နောက်ဆုံးထွက်မှတ်ချက်တွေကို ဖွင့်ကြည့်ဖို့ မလိုအပ်ခဲ့။–[ဒီနှစ်တွေတစ်လျှောက်လုံး မင်းက အရမ်းဖြူစင်ခဲ့တာ အံ့သြစရာမရှိဘူးပဲ၊ မင်း က သစ္စာရှိရုံတင်လေ]

[မင်း သိပ်ကို အပြောခံရနေပြီ၊ လေဒီတု ထက်လေ]

ကုချင်းရန်၏ မျက်နှာသည် ဒေါသများဖြင့် နီမြန်းလာသည်။ သူအိမ်ပြန်ပြီး ဒီအိမ်ထောင်ရေးအစီအစဥ်က ဘာလဲလို့ မေးရမယ် - ဒီအကြောင်းကို သူ ဘာလို့များ မသိခဲ့တာလဲ?